Árbir memlekettik qyzmetshi jetekshilik etetin máseleler boıynsha áleýmettik jelilerde belsendi bolýǵa tıis. Bul týraly Úkimettiń keńeıtilgen otyrysynda Prezıdent Q. Toqaev aıtty dep habarlady zakon.kz.
- Halyqpen jáne bıznespen kommýnıkasııanyń tıimdi júıesin jolǵa qoıý boıynsha júıeli jumys júrgizý kerek, eń aldymen, árbir ortalyq jáne jergilikti atqarýshy organda halyqpen tikeleı jáne keri baılanys úshin turaqty jumys isteıtin alańdar qurylýy tıis. Árbir memlekettik qyzmetshi jetekshilik etetin máseleler boıynsha áleýmettik jelilerde belsendi bolýǵa tıis. Ǵalamtor ǵasyrynda - bul mindet, - dedi Memleket basshysy.
Onyń aıtýynsha, memlekettik qyzmetkerler áleýmettik jelidegi pikirtalastarǵa qatysyp, halyqtyń jáne qoǵamnyń suraqtaryna onlaın rejıminde jaýap bere alady.
«Dástúrli BAQ emes, áleýmettik jeliler búgingi kúni aqparattyń negizgi kózi bolǵany anyq», dedi Toqaev.