Almatyda avtobýs jolaǵyna shyqqan júrgizýshilerge jappaı aıyppul salynyp jatyr. Búginde «Jolaq» borttyq júıesi 50 avtobýsty qamtyp otyr. Qalalyq qoǵamdyq kólikterge 100 beınebaqylaý qurylǵysy ornatylǵan. Sol arqyly jol qozǵalysy erejelerin buzǵan júrgizýshilerdi anyqtaýǵa bolady.
Atalmysh qurylǵy avtomatty túrde sýret pen beınetaspaǵa túsiredi. «Jolaq» júıesi engizilgenen beri 406 júrgizýshi ákimshilik jaýapkershilikke tartylyp úlgergen. Mamandar aıyppuldyń jalpy somasy 2 mln teńgeden asatynyn aıtady.
Eske salsaq, elimizdegi eń alyp megapolıs almatyda qoǵamdyq kólik qozǵalysyna arnalǵan «Jolaq» júıesi engizilgenine de talaı ýaqyt boldy. Atalmysh júıe qala halqy úshin óz tıimdiligin kórsetýde. Alaıda jeńil kólik júrgizýshileri tarapynan bul júıege qatysty narazy pikirler jıi aıtylyp júrgeni de jasyryn emes.