Sársenbi, 27 naýryz 2013 2:27
Qazir qazaqstandyq úlesti ulǵaıtýǵa basa mańyz berilip otyr. Shyny kerek, onyń mol múmkindikteri de bar. Alaıda, qashannan óz ónimderimizge «muryn shúıirip» qaraıtyn eski ádetten aryla almaı kelemiz. Osylaı ózge eldiń ekonomıkasyn damytyp, sheteldik ónimderdiń ótimdiligine qyzmet etip jatqanymyzdy áli de jete túsine almaı júrgenimiz jasyryn emes. Mysaly, Aqtóbe munaı qondyrǵylary zaýyty – sorǵylyq shtangalar shyǵaratyn birden-bir otandyq óndiris orny. Munda jylyna 200 myń sorǵylyq shtanga óndiriledi. Qazir zaýytta qondyrǵylardy jańǵyrtý júrgizilýde. Bul óndiristik qýatty eki esege deıin arttyrýǵa múmkindik beredi, sondaı-aq, birqatar artyqshylyqtarǵa da qol jetkiziledi. Suranystyń joǵarylyǵyn esepteı otyryp, 400 myń sorǵy shtangasynyń qoldan-qolǵa tımeı ótetinine de senim mol. Alaıda, ol óz oblysymyzda emes, basqa óńirlerge shyǵarylady. Munyń syry nede?
Sársenbi, 27 naýryz 2013 2:27
Qazir qazaqstandyq úlesti ulǵaıtýǵa basa mańyz berilip otyr. Shyny kerek, onyń mol múmkindikteri de bar. Alaıda, qashannan óz ónimderimizge «muryn shúıirip» qaraıtyn eski ádetten aryla almaı kelemiz. Osylaı ózge eldiń ekonomıkasyn damytyp, sheteldik ónimderdiń ótimdiligine qyzmet etip jatqanymyzdy áli de jete túsine almaı júrgenimiz jasyryn emes. Mysaly, Aqtóbe munaı qondyrǵylary zaýyty – sorǵylyq shtangalar shyǵaratyn birden-bir otandyq óndiris orny. Munda jylyna 200 myń sorǵylyq shtanga óndiriledi. Qazir zaýytta qondyrǵylardy jańǵyrtý júrgizilýde. Bul óndiristik qýatty eki esege deıin arttyrýǵa múmkindik beredi, sondaı-aq, birqatar artyqshylyqtarǵa da qol jetkiziledi. Suranystyń joǵarylyǵyn esepteı otyryp, 400 myń sorǵy shtangasynyń qoldan-qolǵa tımeı ótetinine de senim mol. Alaıda, ol óz oblysymyzda emes, basqa óńirlerge shyǵarylady. Munyń syry nede?
Oblystyq kásipkerlik jáne ónerkásip basqarmasynyń bastyǵy Marat Balmuhanovtyń qazaqstandyq úlesti arttyrýǵa arnalǵan jıynda málimdeýinshe, óńirde tabıǵat paıdalanýshy bolyp tabylatyn «SPNS-Aqtóbemunaıgaz» AQ sııaqty munaı salasynda jumys istep jatqan iri kompanııalar osyndaı ónimderdi shetelden ákelýge qumar kórinedi. Munaıshylar bolsa, óz kezeginde, Aqtóbe munaı qondyrǵylary zaýytynyń ARI (Amerıkalyq munaı ınstıtýty) halyqaralyq sertıfıkaty joqtyǵyn alǵa tartady. Osyndaı sertıfıkat qana álemdik rynokqa shyǵýǵa jol ashady. Zaýytta qondyrǵylardy jańǵyrtýdyń bastalýy da sondyqtan.
О́tken jyly kásiporynda gaz-qumdyq ıakor shyǵarý óndirisi ıgerildi. Ol ST-KZ sertıfıkatymen bekitilgen. Osynyń nátıjesinde tapsyrystar da kóbirek túse bastaǵan. Tapsyrys berýshiler ishinde «Samuryq-Qazyna» kompanııasy da bar. Uzaq merzimdi jáne úlken tapsyrystardy memlekettiń qoldaýynsyz sheshý óte kúrdeli. Onyń basty sebebi, shtanga shyǵarýǵa paıdalanylatyn shıkizat – som temirdiń Reseıden jetkiziletindiginde bolyp otyr. Bizdiń elimizde mundaı shıkizat ázirge óndirilmeı otyr. Osyndaı olqylyqtyń ornyn toltyrýǵa baǵyttalǵan zaýytta 200 myń adam eńbek etedi.
Satybaldy SÁÝIRBAI,
«Egemen Qazaqstan».
Aqtóbe oblysy.
2013-03-27 20:56:31