Qazaqstandyq tennısshi Mıhaıl Kýkýshkın Kásipqoı tennısshiler qaýymdastyǵynyń (ATP) jańartylǵan álemdik reıtınginde 13 saty joǵarylap, 45-orynǵa jaıǵasty.
Otandasymyz jýyrda ǵana Ulybrıtanııa astanasy – Londonda ótken Ýımbldon týrnırine qatysyp, jarystyń 1/8 kezeńinde japonııalyq Keı Nısıkorıden jeńilgen edi.
Kýkýshkın álemniń eń úzdik TOP-50 tennısshisi qataryna kirdi. Sonymen qatar erler arasyndaǵy reıtıngte qazaqstandyq tennısshi Aleksandr Býblık bir saty tómen syrǵyp, 83-orynǵa turaqtady. Al taǵy bir otandasymyz Aleksandr Nedovesov tórt saty joǵarylap, 196-orynǵa kóterildi.
Ýımbldon týrnıriniń bıylǵy jeńimpazy serbııalyq sportshy Novak Djokovıch ATP reıtıngindegi birinshi ornyn saqtap qaldy. Ispanııalyq Rafael Nadal ekinshi orynda keledi. Al shveısarııalyq Rodjer Federer úzdik úshtikti túıindep tur.