Ulttyq komıtet músheleri bas qosty

IýNESKO-nyń basty maqsaty – álemdik mańyzdy qujattyq muralardy qorǵaý. Mundaı zattar Qazaqstan jerinde barshylyq. Buǵan deıin IýNESKO-nyń Dú­nıe­júzilik eske alý tizimine Uly dala muralarynan 2003 jyly Qo­ja Ahmet Iаsaýı jáne onyń iz­ba­sary Súleımen Baqyrǵanıdyń qoljazbasy, 2005 jyly «Ne­ve­da-Semeı» antııadrolyq qozǵa­lysynyń qujattary, 2009 jyly Aral teńizin qorǵaýǵa qatysty qujattary qabyldanǵan bolatyn. 

Bul retki jıyndy ashyp bas­qo­sýdyń mańyzy jaıly kópshilikke aqpar bergen Ulttyq kitaphana basshysy Úmithan Muńalbaeva óz sózinde, Úkimet basshysynyń jarlyǵymen 2017 jyly Sırek kitaptar men ulttyq qoljazbalar ortalyǵy qurylǵanyn, qazirgi tańda munda sırek kezdesetin kitaptar men qoljazbalardyń elektrondy kóshirmelerin jınaý jumysy belsendi júrip jatqanyn jetkizse, Sırek kitap­tar men ulttyq qoljazbalar orta­ly­ǵynyń dırektory Jandos Bol­dyqov, elimizdegi barlyq kitap­hanalar júıesi qoryn­da 82 myńnan asa sırek jáne qundy kitap-materıaldar bar. Olardy zertteý jáne saqtaýdyń teorııalyq-ádistemelik negizderin qalyptastyrý barysynda kóp­tegen qıyndyqtar bar ekenin aıtyp ótip, bolashaqta bulardyń ishinen  qundylaryn Dúnıejúzilik eske alý tizimine engizý jolyn qarastyrýdy usyndy.