Juma, 29 naýryz 2013 1:29
Oblys ortalyǵynda aldaǵy naýqan sharalaryna arnalǵan jıyn bolyp ótti. Jalpy, bıyl oblys boıynsha egistik kólemi 1 mıllıon gektardan assa, sonyń 800 myńdaı gektary egin alqaptary bolmaqshy. Al, birneshe jyldan beri astyq ósirýshilerden egiletin daqyldardy ártaraptandyrý talap etilip keledi. Sharýa qojalyqtary kóbine bıdaı egedi. Sodan soń kúzde ony ótkize almaıdy. О́ıtkeni, bıdaı kóp.
Juma, 29 naýryz 2013 1:29
Oblys ortalyǵynda aldaǵy naýqan sharalaryna arnalǵan jıyn bolyp ótti. Jalpy, bıyl oblys boıynsha egistik kólemi 1 mıllıon gektardan assa, sonyń 800 myńdaı gektary egin alqaptary bolmaqshy. Al, birneshe jyldan beri astyq ósirýshilerden egiletin daqyldardy ártaraptandyrý talap etilip keledi. Sharýa qojalyqtary kóbine bıdaı egedi. Sodan soń kúzde ony ótkize almaıdy. О́ıtkeni, bıdaı kóp. Egetin daqyldardy ártúrli etip egińder degen talap osydan. Oblystyq aýyl sharýashylyǵy basqarmasynyń bastyǵy Baýyrjan Sharapıdenovtiń aıtýynsha, bıyl aýylsharýashylyq daqyldaryna bıýdjetten tólenetin sýbsıdııanyń mólsheri máselen, ár gektary úshin bıdaıǵa – 450, kúnbaǵysqa – 2000, baqsha ónimderine 6000 teńgeden bolmaq. Sapasy bolmasa, tuqym mol. Pavlodar aýdanyndaǵy «Aýyl sharýashylyǵyn ǵylymı-zertteý ınstıtýty» seriktestiginiń dırektory Baqyt Ermuratovtyń aıtýynsha, kóktemde erigen qar sýynan egis tanaptarynda keminde 110-120 mm. ylǵal qalady. О́kinishtisi, bizdiń óńirdiń sharýalary áli kúnge bıdaıdyń reseılik eski sorttaryn ósiredi. Olardyń ónimdilik kórsetkishteri otandyq «Pavlodar-93», «Seke», «Ertis-97» sekildi sorttaryna qaraǵanda áldaqaıda tómen ári qurǵaqshylyqqa tózimsiz. Al, biz shyǵarǵan bıdaı tuqymdary buǵan deıin shetelderde ósirilip, qurǵaqshylyqqa eń tózimdi sort dep tanyldy. Sondyqtan, jergilikti astyq ósirýshiler osy erekshelikke nazar aýdaryp, otandyq sorttardy paıdalanýǵa kóńil qoısa, deıdi. О́ńirge arzandatylǵan baǵamen 15 myń tonna janar-jaǵarmaı bólindi.
Aqpan aıynda oblys ákiminiń orynbasary Dúısenbaı Turǵanov bastaǵan delegasııa músheleri Belorýssııadaǵy elimizdiń elshisi Erǵalı Bólegenovtiń qatysýymen energetıka, óndiris, aýyl sharýashylyǵy jáne azyq-túlik mınıstrlikteriniń, Mınskidegi oblystyq atqarý komıtetiniń basshylarymen kezdesý ótkizdi. Kezdesý barysynda Pavlodar oblysy jáne Belarýs Respýblıkasy arasynda aýyl sharýashylyǵy, kólik qurastyrý, bilim jáne ǵylym salasynda yntymaqtastyq ornatý máselesi talqylandy. Sapar aıasynda 7 mıllıon teńgeden astam qarjyǵa aýyl sharýashylyǵy, kólik qurastyrý, kommýnaldyq tehnıkany jınaý salasynda 18 kommersııalyq maqsattaǵy birlesken qujatqa qol qoıyldy. Sonymen qatar, «Qazagro» AQ óziniń enshiles kompanııalary arqyly óńirdiń aýyl sharýashylyǵy salasyna 5,2 mlrd. teńge nesıe baǵyttap otyr. Az qarjy emes árıne, bul sharýalardyń qolyna tıse, sharaýshylyqtardyń alǵa basary anyq. Endi agroónerkásipshiler lızıngke tehnıka alý úshin kez kelgen kompanııany tańdaı alady. Buǵan deıin memleket tarapynan bólinetin demeý qarjyny paıdalanyp lızıngke tehnıka satyp alý tek «QazAgroQarjy» AQ arqyly júrgizilgeni belgili. Bul 50 paıyzyn memleket tóleıdi degen sóz. Sharýalardyń tipti, lızıngke egin sharýashylyǵyna arnalǵan otandyq «Fermer», «Fermer-2» ushaqtaryn da satyp alýǵa qoldary jetedi. Ári «QazAgroQarjy» kompanııasy jelden energııa óndiretin zamanaýı qondyrǵylardy da nesıege jetkizip berýge daıyn eken. Aıtpaqshy, ushaqtardy Qaraǵandynyń «QazAvıaSpektr» JShS qurastyrypty. Olar «Fermer-2» ushaǵy –300 lıtr, al «Fermer-500» ushaǵy 500 lıtr tyńaıtqysh alyp ushady eken. Ushaqtyń quny 145 myń dollar turady. Osy kúnge deıin elimizdiń aýyl sharýashylyǵynda burynǵy AN-2 ushaǵyn nemese amerıkalyq ushaqtar paıdalanyp keldi.
Farıda BYQAI,
«Egemen Qazaqstan».
Pavlodar oblysy.