«Bıylǵy jyly bilim berý granttary UBT sertıfıkatynyń baldaryna sáıkes bilim berý baǵdarlamalarynyń toptary boıynsha konkýrstyq negizde beriletin bolady. 13 shilde kúni bilim berý granttaryn taǵaıyndaý konkýrsyna ótinishter qabyldaý bastaldy. Alǵashqy 4 kún ishinde konkýrsqa qatysý úshin úmitkerlerden 28 430 ótinish qabyldanǵan, onyń ishinde 26 202 ótinish tolyq baǵdarlama boıynsha oqýǵa berilse, 2 228 – tehnıkalyq jáne kásibı bilim berý uıymdaryn bitirýshilerinen qysqartylǵan merzimde oqý úshin nıet bildirgender. Konkýrsqa ótinishterdi qabyldaý jalǵasýda jáne 20 shilde kúni aıaqtalady», - dedi A. Aımaǵambetov.
Sonymen qatar, kadrlardy daıarlaýǵa arnalǵan bilim berý granttaryn berý «bakalavr» nemese «magıstr» dárejesi berile otyryp, joǵary nemese joǵary oqý ornynan keıingi bilim alýǵa aqy tóleý úshin bilim berý grantyn berý Erejesi negizinde júzege asyrylady.
«Barlyǵy joǵary bilimdi kadrlardy daıarlaýǵa 53 785 grant bólindi. Budan basqa, bıylǵy jyly qosymsha 5 myń grant bólinip otyr, olardy jergilikti atqarýshy organdar da konkýrstyq negizde beredi», - dedi Bilim jáne ǵylym mınıstri.
Aıta ketsek, 28 maýsymda L.N.Gýmılev atyndaǵy Eýrazııa Ulttyq Ýnıversıtetiniń konferens-zalynda Qazaqstan Respýblıkasy Bilim jáne ǵylym mınıstri Ashat Aımaǵambetovtiń halyqqa esep berý kezdesýi boldy.