Bul kúnderi AQSh-tyń Nıýport qalasynda ótip jatqan tennısten ATP sanatyndaǵy týrnırdi qazaqstandyq tennısshi Aleksandr Býblık sátti bastady.
Reıtıngte 83-orynda turǵan otandasymyz A.Býblık alǵashqy aınalymda álemniń 150-raketkasy, aýstralııalyq Aleks Boltpen sheberlik baıqasty. AQSh-taǵy týrnırdiń 7-raketkasy bolyp tirkelgen qazaqstandyq tennısshi úsh setke sozylǵan básekede 6:4, 2:6, 7:6 esebimen jeńiske jetti. Tartysty match eki saǵatqa sozyldy.
Kógal tósenishinde ótip jatqan dodanyń ekinshi aınalymynda A.Býblık reıtıngte 167-orynda turǵan serbııalyq Vıktor Troıskımen kezdesedi. Nıýport týrnıri 21 shildede aıaqtalady.