- Halyq tutynatyn taýarlar óndirisin qoldaýǵa jaǵdaı jasalýda. Jobalyq keńse de ashtyq. Jobalardyń kóbi shıki. Biraq, eshqandaı nátıje kórinbeıdi, - dedi oblys ákimi Bolat Baqaýov ákimdiktegi jıynda.
Ákim aıtqan, jobalyq keńse - Kásipkerler palatasynyń oblystyq fılıalynda ashylǵan. Buǵan deıin palata usynǵan 16 jobanyń eshqaısysy júzege aspaǵan. Al, palata tarapynan halyq tutynatyn taýarlar óndirisin qoldaýǵa óńirde 4 myńnan astam kásiporyn iriktelip alynsa, olardyń 700-i qatysýǵa belsendi kórinedi.
Sonymen birge, aýdan-qala ákimdikteriniń de jumysynda shıraqtyq baıqalmaıdy. Tipti, óndirisi Aqsý qalasynyń ózinde ilip alar joba joq.
Al, oblys ortalyǵy irgesindegi azyq-túlik beldeýi sanalatyn Pavlodar aýdynynda bar-joǵy 4 joba usynylypty.
Jobalar júzege asýy úshin endi kásipkerlerdiń fokýs-toptary qurylyp, qarapaıym zattar ekonomıkasyn damytýǵa arnalǵan baǵdarlama týraly túsindirilmek.