Memleket basshysynyń atyna Halyqaralyq Olımpıada komıtetiniń prezıdenti Tomas Bahtyń quttyqtaý haty kelip tústi. Bul týraly Prezıdenttiń baspasóz hatshysy Berik Ýálı habarlady.
Asa iri sport uıymynyń basshysy Qasym-Jomart Toqaevtyń Prezıdent laýazymyna taǵaıyndalýyna oraı jyly lebiz bildirip, aldaǵy qyzmetine tabys tiledi.
Tomas Bah Qazaqstannyń olımpıadalyq qozǵalystaǵy belsendiligine joǵary baǵa berip, Prezıdent Qasym-Jomart Toqaevtyń sportqa degen yqylasyn atap ótti.
Hatta HOK-tiń Qazaqstan Úkimetimen jáne Ulttyq olımpıadalyq komıtetimen tyǵyz ári jemisti yntymaqtastyqty odan ári jalǵastyrýǵa nıetti ekeni aıtylǵan.