Senat depýtattary eń aldymen aýdan basshysy Janat Asantaevpen birge aýdandyq jumyspen qamtý ortalyǵynyń jumysymen tanysyp, memlekettik ataýly áleýmettik kómek alýshy kóp balaly otbasylarmen kezdesti. Senatorlar aýdan aqsaqaldarymen, aýdandyq mekemelerdiń, sharýa qojalyqtarynyń basshylarymen jáne belsendi jastarmen júzdesip, jergilikti jerdegi ózekti máselelerge qulaq túrdi. Kezdesýler barysynda Elbasynyń Joldaýy men Prezıdent alǵa qoıǵan mindetter keńinen túsindirilip, aýdandaǵy jalpy sheshimin tappaı júrgen jol salý máselesi kóterildi.
Senat depýtattary «Jasyl el» baǵdarlamasy boıynsha aýdan jastarynyń aýyldaǵy sý tapshylyǵyn joıý maqsatynda ázirlegen «Bulaq kórseń, kózin ash» atty jobasyn biraýyzdan qoldaıtyndaryn jetkizdi. О́ńirdegi keleli máselelerdi talqylaǵannan keıin depýtattar aýdan turǵyndaryn jeke basynyń máselesi boıynsha jeke qabyldady. Qabyldaýda kópbalaly analardyń zeınetaqy jasyna ózgeris engizý, Qazaqstan Respýblıkasynyń Jer kodeksi men «Memlekettik satyp alý týraly» zańyna ózgerister engizý, «Dıplommen – aýylǵa» baǵdarlamasy boıynsha turǵyn úı qurylysyn júrgizý úshin kezeksiz jer berý, aýylsharýashylyǵy ónimderin óndirýge qatysty usynystar aıtyldy jáne oǵan depýtattar tarapynan tolyq túsindirme berildi. Senat depýtattary aýdandaǵy halyq ıgiligi úshin salynyp jatqan nysandardyń biri – bir páterli 67 turǵyn úı kesheni qurylysymen tanysty. Maýsym aıynda bastaý alǵan qurylys jumystary qazirgi tańda jalǵasyn tabýda.