Týrıstik kerýenge jastar 22 shildege deıin jalǵasatyn konkýrs arqyly qatysa alady. Irikteýden ótken belsendiler elimizdiń 7 óńirindegi týrıstik oryndar men kıeli jerlerdi aralap, óz áserlerin áleýmettik jeliler arqyly bólisedi. Sondaı-aq olar osy jerlerdiń týrıstik áleýetin arttyrýǵa arnalǵan usynystaryn da aıtatyn bolady.
«Qazirge deıin 1000-nan astam usynys tústi. О́tinish bildirýshilerdiń sany 2000-ǵa jetedi dep kútýdemiz. Nátıjesi 25 shildede jarııalanady. Irikteýden ótken jastar 12 tamyzda Nur-Sultan qalasynda otandyq estrada juldyzdarynyń qatysýymen slet ótkizip, 13 tamyzda 7 baǵyt boıynsha jolǵa shyǵady. Olar 4 kún boıy Aqmola, Almaty, Qaraǵandy, Pavlodar, Oral, О́skemen, Shymkent qalalaryndaǵy týrıstik nysandar men kıeli oryndardy aralap, óz oılaryn áleýmettik jelilerde jarııalaıdy. Sapar sońynda jastardyń elimizdiń týrızm ınfraqurylymyn sheshýge arnalǵan usynystaryn jınaqtap tıisti memlekettik organdarǵa joldaımyz», deıdi Ortalyq kommýnıkasııalar qyzmetinde ótken tusaýkeserde sóz alǵan Qazaqstan jastar kongresiniń atqarýshy dırektory Toqtar Bolysov.
Jastarmen birge tanymal blogerler, vaınerler jáne akterler de saıahat jasaıdy. Aqparat jáne qoǵamdyq damý mınıstrligi Jastar jáne otbasy isteri komıteti tóraǵasynyń orynbasary Shahmardan Baımanovtyń aıtýynsha, Jastar jylynda 89 jobany júzege asyrý josparlanǵan. «Jastar kerýeni» – sonyń ishindegi eń irileriniń biri. «Bul joba arqyly týǵan ólkemizdiń tarıhyn tanytyp, kórikti jerlerin kórsete alamyz. Sondaı-aq jurtshylyqqa biz bile bermeıtin jerlerdi nasıhattaýǵa múmkindik týmaq», deıdi Shahmardan Baımanov.