Aımaq basshysy Qumar Aqsaqalov «Slavıan bazary – 2019» halyqaralyq festıvalinde bas júldeni ıelengen jerlesimiz, jas talant Ádilhan Makındi jarqyn jeńisimen quttyqtady.
Ákimdikte ótken kezdesýge kezinde ánshige tálim-tárbıe bergen ustazdary, týǵan-týysqandary da shaqyryldy.
«О́ńirimiz Ermek Serkebaev sııaqty ónerli azamattarǵa baı. Solardyń qataryna sońǵy kezderi jastardyń qosylyp kele jatqany qýantady. О́tken jyly Samal Eslıamova úlken festıvalde jeńiske jetken bolatyn. Ádilhannyń bul jeńisi óskeleń urpaqqa úlgi bolýy tıis», degen Qumar Irgebaıuly oǵan qurmet gramotasy men aqshalaı sertıfıkatty tabys etti.
Ádilhan Makın týǵan jerinde qurmet kórsetip jatqandaryna alǵys aıtyp, aldaǵy josparlarymen bólisti.
Sóz arasynda Gran prı ıegeriniń M. Jumabaev aýdanynda týǵanyn, Petropavl qalasyndaǵy Qojabergen jyraý atyndaǵy № 6 qazaq mektebin, óner kolledjin bitirgenin aıta ketken jón.