Qazir Arys qalasynda 1544 jekemenshik turǵyn úıde qurylys jumystary aıaqtalǵan, 7089 jeke turǵyn úıde jáne 96 kópqabatty úıde qalpyna keltirý jáne jóndeý jumystary júrgizilip jatyr. Turǵyndardyń 4683 úılerinde jumystar júrgizilýde.
Qurylys jumystary 126 jekemenshik úıde jáne 1 kópqabatty úıde júrgizilýde. 66 áleýmettik nysannan 62-sinde qalpyna keltirý jumystary júrgizilýde, jańa qurylys 4 nysanda júrip jatyr.
Arys qalasyndaǵy qalpyna keltirý jumystaryna 207 kompanııa, 7073 jumysker, 265 arnaıy tehnıka tartylǵan.
Úkimet basshysy Arys qalasynyń turǵyndarymen kezdesý kezinde qalany qalpyna keltirý boıynsha jumystarǵa barlyq óńirler, ulttyq kompanııalar, elimizdiń iri bıznes ókilderi belsene qatysyp jatqanyn atap ótti.
Premer-Mınıstr zardap shekken bıznes nysandaryn, kólik jáne ınjenerlik ınfraqurylymdy qalpyna keltirý jumystarynyń qarqynyn tómendetpeýdi, sondaı-aq densaýlyq saqtaý jáne bilim berý nysandaryn daıyndaý boıynsha keshendi sharalar qabyldaý tapsyrdy.
Túrkistan qalasyna jumys sapary barysynda Asqar Mamın salynyp jatqan tarıhı-mádenı ortalyq aýmaǵynda Premer-Mınıstr «Uly dala Eli» ortalyǵyn, Q. A. Iаssaýı mýzeıin salý boıynsha jumystardyń barysymen. Sonymen qatar Asqar Mamın Uly Jibek jolynyń qolónershileriniń Ulttyq ortalyǵy ǵımaratyn, kelý ortalyǵyn rekonstrýksııalaý, Shyǵys monshasynyń, oblystyq ǵylymı-ámbebap kitaphananyń salyný barysyn kórdi.
Premer-Mınıstr ákimshilik, áleýmettik, mádenı-tarıhı maqsatta salynyp jatqan nysandardy kórdi, jergilikti stadıon, oqýshylar saraıy, ákimdik, Halyqqa qyzmet kórsetý ortalyǵy, medıa ortalyq, kongress-holl ǵımaraty, «Nur-Sultan» alańy, Olımpıadalyq rezervtegi sport mektebi, mýzyka mektebi, basseıni bar oqýshylar saraıy, attraksıondary bar qalalyq saıabaq, neke saraıy, Qazaq drama teatry ǵımaraty, mýzykalyq fontan men amfıteatr salynyp jatqan qurylys alańdarynda boldy.
Asqar Mamın Túrkistan qalasynda Tuńǵysh Prezıdenti parkiniń abattandyrylý, oblys ortalyǵynyń ortalyq bóliginiń rekonstrýksııalaný jáne Arbattyń salyný barysyn kórdi, sondaı-aq Túrkistandaǵy Eski arheologııalyq parkiniń jobasymen tanysty.