Qasym-Jomart Toqaev Ýrsýla fon der Lıaıendi Eýropalyq komıssııanyń tóraǵasy bolyp saılanýymen quttyqtady. Bul týraly Aqordanyń baspasóz qyzmeti habarlady.
Memleket basshysy óziniń quttyqtaý jedelhatynda Eýropalyq odaq Ýrsýla fon der Lıaıenniń basshylyǵymen ishki jáne syrtqy saıasatta jańa jetistikterge jetetinine senim bildirdi.
«Keleshegi bar ártúrli salalarda Sizben birlesip jumys isteıtinimizge úmittenemin jáne aldaǵy jyldardaǵy mańyzdy bastamalarymyzdy júzege asyrýda Sizdiń tarapyńyzdan qoldaý bolady dep sanaımyn», – dep jazdy Qazaqstan Prezıdenti.
Qasym-Jomart Toqaev Eýrokomıssııa tóraǵasyna amandyq, jaýapty qyzmetine mol tabys tiledi.