Kvandjýda sý sporty túrlerinen álem chempıonaty jalǵasýda. Sý dobynan erler arasyndaǵy synda Qazaqstan komandasy alǵash ret jeńiske jetti. Bul týraly Olympic.kz habarlady.
Qazaqstandyqtar Ońtústik Koreıamen kezdesip, 17:4 (4:1, 4:2, 7:0, 2:1) esebimen basym tústi. Bul Shvedov shákirtteriniń Kvandjýdaǵy alǵashqy jeńisi.
Buǵan deıin bizdiń komanda Horvatııa, Avstralııa jáne AQSh-qa ese jibergen bolatyn. Kelesi kezdesý Qazaqstan men Brazılııa arasynda ótedi. Eki komanda 13-shi orynǵa talasady. Match 23 shildege josparlanǵan.