Oqys oqıǵa 18 shilde kúni oryn alǵan edi. Joldyń qarsy betinde býdaqtap janyp jatqan úıdi kapıtan Ádiljan Ákireevtiń kózi shalyp qalady. Sheshim qabyldap turatyn shaq emes. Tútindep jatqan úıge qaraı tura umtylady. Taıaǵanda, úı ishinde kómekke zárý ana men balanyń qalǵanyn ańǵarady. Jaýdyń ózinen jasqanýdy bilmeıtin jan laýlaǵan jalynǵa lap qoıady. Kórpege orap, qyrqynan shyqpaǵan qyzyl shaqalaqty anasymen qosyp aman-esen syrtqa alyp shyǵady.
Alaýlaǵan qyzyl jalyn kórshi úıdiń shatyryna deıin sharpyp, ol jaqqa da kómek qolyn sozady. Keıinnen ótken jaıtty esine alǵan batyr jigit erliktiń eshqashan eseppen jasalmaıtynyn, sol sátte Alla taǵalanyń ózi boıyńa bula kúsh quıatynyn, sonyń arqasynda esh qorqynyshty sezbegenin alǵa tartty.
Dárigerlerdiń aıtýynsha, qutqarǵan jandardyń jaǵdaıy qazir qalypty kórinedi. Al áskerı qyzmetkerdiń ózin ıt qabýǵa qarsy ekpe salý úshin emhanaǵa áketipti.
Bizge belgili bolǵandaı, kapıtan Ádiljan Ákireev tórt bala tárbıelep otyrǵan jan. Ulttyq ulannyń 5572 áskerı bóliminde top komandıriniń orynbasary qyzmetin atqarady eken. «Egemen-aqparat»