«Naryqqa shyǵarylatyn ettiń sapasy da qatań qadaǵalaýda», deıdi kásiporyn jumysshylary. Barlyq tehnıkalar kompıýterlendirilgen, jemniń quramyn laboratorııada jıi tekserip, sol arqyly jem mólsheriniń kórsetkishterin baqylap turýǵa bolady. Tipti ár qusqa beriletin mólsheri kórsetiledi.
«Shymkent qus» – halyqty sapaly tabıǵı ónimmen qamtamasyz etip otyrǵan biregeı kompanııa. Búginde otandyq óndiriste úlesi mol seriktestik ónim túrlerin ulǵaıtý maqsatynda broıler taýyq etin óndirýdi de qolǵa aldy.
Fabrıkada 150 myńǵa jýyq broıler taýyǵy bar. Saǵatyna 2 myń qus soıylady. Erekshe atap óterligi, atalǵan qus fabrıkasynda barlyq taýyqtar sharıǵat talaptaryna saı qolmen soıylady. Táýligine 7 myń broıler qus etin daıyndaıdy. Osylaısha tutynýshylardy otandyq sapaly, qaýipsiz qus etimen qamtamasyz etýdi kózdep otyr.
«Shymkent qus» fabrıkasynyń ónimin saraptamadan ótkizý arqyly «Mal baýyzdaý jáne et óńdeý», «Halal ónimderin óndirýge, daıyndaýǵa, óńdeýge, saqtaýǵa, tasymaldaýǵa, satýǵa qoıylatyn jalpy talaptar» atty standarttaryna sáıkes keledi degen qorytyndy jasalyp, QMDB «Halal Damý» sertıfıkaty tabys etildi.