Ashyq Azııa kýbogynyń saltanatty ashylýyna Azııa dzıýdo odaǵynyń sport dırektory Devıt Karter, Azııa dzıýdo odaǵynyń tóreshiler komıssııasynyń múshesi Mýn Von Bae, Qazaqstan dzıýdo federasııasynyń bas hatshysy Ashat Jetkeev, Mańǵystaý dzıýdo federasııasynyń prezıdenti Asylbek Joldybaev qatysty.
- Aqtaýdaǵy Azııa kýbogy - 2020 jyly Tokıoda ótetin Olımpıada oıyndarynyń aldyndaǵy sońǵy jarystardyń biri. Sondyqtan bul jarys Tokıoǵa baratyn sportshylar úshin bereri mol jarys bolmaq. Dzıýdoshylardyń reıtıngin kóterýge óz yqpalyn tıgizedi. Iаǵnı, 1 oryn alǵan balýan 100 upaı, 2 oryndy alǵandar 60 upaıdy, al 3 oryndy ıelengender 40 upaıdy enshileıdi, dedi Mańǵystaý dzıýdo federasııasynyń prezıdenti Asylbek Joldybaev.
Eki kúnge sozylǵan dodada 7 altyn, 8 kúmis jáne 10 qola medalmen Reseı quramasy medal kestesinde kósh bastady. Qazaqstan quramasy 4 altyn, 2 kúmis jáne 10 qola júldeni enshilep, ekinshi orynǵa jaıǵasty. Ońtústik Koreıa qurama komandasy bolsa 2 altyn, 3 qolamen úzdik úshtik qatarynan kórindi.
Azııa ǵana emes, Eýropa qurlyǵynan da sportshylar qatysqan halyqaralyq dzıýdo federasııasynyń kúntizbesine sáıkes bıyl ekinshi ret Azııa kýbogy retinde uıymdastyrylǵan Aqtaýdaǵy týrnırdiń uıymdastyrylýy men barysyn, geografııasyn sarapshylar joǵary baǵalady. JUA sport dırektory Devıd Karterdiń aıtýynsha, jyldan jylǵa qatysýshylar asny artyp kele jatqan jarys aldaǵy ýaqytta qatysýshylar sany men sapasy jaǵynan joǵary dárejege jáne joǵary deńgeıge jetýi múmkin.