M. Takıevtiń aıtýynsha, Qazaqstanda MJÁ damýy 2006 jyly «Konsessııalar týraly» zańnyń qabyldanýynan bastaý alyp, 2015 jyly «Memlekettik-jekeshelik áriptestik týraly» zańnyń qabyldanýymen qarqyndy túrde damýyn bastady.
Osy jyldyń 1 shildesindegi jaǵdaı boıynsha quny 1,29 trln teńgeni quraıtyn 565 shart jasaldy. Solardyń ishinde 9-y — resbpýlıkalyq jáne 556-sy — jergilikti jobalar. Quny 1,89 trln teńgege teń 620 joba daıyndyq satysynda.
«Jobalardyń basym bóligi bilim berý, densaýlyq saqtaý, turǵyn úı kommýnaldyq sharýashylyq, mádenıet jáne sport salalaryna kelip tur», — dep naqtylady vıse-mınıstr.
Bilim berý salasynda kóbine MJÁ tetikteri arqyly balabaqshalar salynyp jatyr. 4 jyldyń ishinde mektepke deıingi bilim berý mekemelerine degen ashy tapshylyq respýblıka boıynsha jabyldy deýge bolady. Búginde MJÁ tetigi arqyly 29 myń orynǵa shaqtalǵan 219 balabaqsha jumys istep tur.
2016–2019 jyldarǵa arnalǵan bilim berýdi damytýdyń memlekettik baǵdarlamasy aıasynda stýdentter úshin Qaraǵandy, Batys Qazaqstan, Soltústik Qazaqstan oblystarynda jataqhanalar salý jobalary josparlanýda.
Sonymen qatar kolledjderdi senimgerlik basqarýǵa berý boıynsha jáne jazǵy lagerler jelisin keńeıtý boıynsha tetikter ázirlenýde. Osylaı Bilim jáne ǵylym mınıstrligi atalǵan tetikti qoldaný arqyly 2023 jylǵa deıin jazǵy ýaqytta shamamen 500 myń bala demalatyn, lagerler sanyn 236-dan 1000-ǵa sheıin jetkizý josparlanýda. MJÁ aıasynda mekteptegi tamaqtanýdy uıymdastyrý másepesi sátti sheshilýde, Aqmola oblysynda mektep ashasyn senimgerlik basqarýǵa berý boıynsha 21 shart jasalǵan, iske asyrylýy boıynsha ártúrli satydaǵy uqsas jobalar Shyǵys Qazaqstan, Soltústik Qazaqstan, Túrkistan oblystarynda júzege asyrylýda.
Qazirgi tańda Densaýlyq saqtaý mınıstrligimen MJÁ aıasynda onkologııalyq aýrýlarǵa medısınalyq jabdyqty satyp alý júrgizilip jatyr. Jalpy, densaýlyq saqtaý sektorynda jobalardyń keń aýqymy bar. Medısınalyq mekemeler, ambýlatorııalyq klınıkalar, medısınalyq tehnıkalar satyp alynýda, memlekettik-jekeshelik áriptestik arqyly salynyp, jańartylyp, paıdalanylýda.
Perspektıvalyq baǵyttardyń biri — sport salasynda memlekettik-jekeshelik áriptestik tetigin damytý. О́ńirlerde sporttyq nysandar ashylýda, 48 kelisimshart jasaldy. Mysaly, jekeshe seriktester sport mektepterine sporttyq obektiler úshin buryn óndiristik alańdar bolǵan úıjaılardy jalǵa beredi.
Turǵyn úı-kommýnaldyq sharýashylyq salasynda qalalyq kógaldandyrý boıynsha memlekettik-jekeshelik áriptestik jobalary tırajdalatyn boldy, trendti bastaǵan Almaty qalasy. Osyndaı joba Atyraý qalasynda bastaý alaıyn dep jatyr.
Budan ózge, Prezıdent tapsyrmasyna sáıkes tarıfter, aqyly qyzmetter jáne basqa da naryqtyq quraldar esebinen ınvestısııalardyń qaıtarymdylyǵyn qamtamasyz ete otyryp, energetıka, ónerkásip, aýyl sharýashylyǵy salalarynda jáne ınfraqurylymdyq jobalarda memlekettik-jekeshelik áriptestikti jandandyrý jumysy bastaldy.