Premer-Mınıstri Asqar Mamın SoftBank Investment Advisers tóraǵasy Radjıv Mısramen kezdesý ótkizdi. Bul týraly primeminister.kz habarlady.
Kezdesý barysynda sheteldik ınvestısııalar men zamanaýı ınnovasııalyq tehnologııalardy tartý máseleleri talqylandy. Investısııalyq holdıng el ekonomıkasyna ınvestısııa salýdyń artyqshylyqtarymen tanysyp, birlesken jobalardy is júzinde júzege asyrýǵa qyzyǵýshylyq tanytty.
SoftBank Investment Advisers venchýrlik qarjylandyrýǵa mamandandyrylǵan jáne álemdegi eń iri ınvestısııalyq qorlardyń biri, naryqtyq kapıtalızasııasy $100 mlrd quraıtyn SoftBank Group bóligi. Qor Alibaba, Yahoo, Uber sekildi jahandyq tehnologııalyq kóshbasshylardyń aksııalarynyń ıesi.
SoftBank 2000 jylǵy Forbes Global tizimine kiredi jáne álemde kapıtaldandyrý boıynsha 36-orynda, Japonııada Toyota-dan keıin kapıtaldandyrý boıynsha 2-orynda (2019 jylǵy 1 toqsan).