Bul jóninde aımaq basshysy Qumar Aqsaqalovtyń arnaıy tapsyrmasy da bar. Jaqynda 9-shi baǵyt boıynsha 4 qoǵamdyq kólik qoldanysqa berildi. Reseıde qurastyrylǵan avtobýstyń árqaısysynyń quny 21 mıllıon teńgeni quraıdy.
«Jańanyń aty– jańa. Zamanaýı qurylǵylarmen jabdyqtalǵan. Paneldi de yńǵaıly etip jasapty. Róli de jeńil. Dızeldik otyn az jaǵylady», deıdi júrgizýshi Iýrıı Zaısev.
Salonda beınebaqylaý kamerasy ornatylǵan. Qosalqy pesh jumys isteıdi. Ishi keń ári yńǵaıly.
Endi 9-shy baǵyt boıynsha 18 qoǵamdyq kólik qatynaıdy. Jyl aıaǵyna deıin 16-shy baǵyttaǵy avtobýstardy jańartý josparlanyp otyr. «SQO avtokólik odaǵy» qaýymdastyǵynyń tóraıymy Galına Semenova jyl basynan beri 19 «temir tulpar» satyp alynǵanyn aıtady.
Túmen qalasyndaǵy kásiporynmen kelisim-shart jasalypty. О́ıtkeni, bul aımaq Qyzyljar óńirine jaqyn ornalasqan. Aýa-raıy da uqsas. Onda shyǵarylatyn qoǵamdyq kólikter ólkemizdiń qytymyr qysyna shydas beredi.