Oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Murat Iǵalıev: «Bul baǵdarlama qazir jaldamaly páterlerde, ýaqytsha turaqtarda turyp jatqan, bastapqy jarnaǵa aqsha jınaı almaıtyn otbasylardy qoldaýǵa arnalǵan. Basty talap – otbasylar az qamtylǵan bolýy tıis», deıdi. 4 jáne odan da kóp balalary bar otbasylar, kámelettik jasqa tolmaǵan balalary bar tolyq emes otbasylar, múmkindigi shekteýli balalary bar otbasylar osy baǵdarlama arqyly turǵyn úıge qol jetkize alady. О́tinim bergen kezde otbasy músheleriniń atynda jeke baspanalary bolmaýy qajet. Baǵdarlamany júzege asyrýǵa oblysta 2,5 mlrd teńge bólinip otyr. Úı kezeginde turǵan 25 myńǵa jýyq turǵynnyń 8 myńy az qamtylǵan otbasylar.
«Turǵyn úı qurylys bankiniń» oblystaǵy bólimshesiniń basshysy Nurbol Qurmannyń aıtýynsha, nesıe jylyna 2 paıyzdyq mólsherlememen, 10 paıyzdyq bastapqy jarnamen 19 jylǵa beriledi.