Jańashyldyq birqatar aýdan men Petropavl qalasyndaǵy stansııalarda qoldanylady. Eń bastysy, aqaýlar oryn alǵan kezde tezirek anyqtaýǵa, turǵyndardy jaryqsyz qaldyrmaýǵa múmkindik beredi.
SCADA júıesin qoldanysqa engizý 2008 jyly bastalyp, 3 kezeńmen júrgizilgen. Aldymen 158 qosalqy stansııaǵa qajetti qondyrǵylar ornatylǵan. Keıin baılanys kanaldary jańǵyrtylǵan.
«Soltústik Qazaqstan elektr jelilerin taratýshy kompanııasy» AQ-nyń bas dırektory Anatolıı Kazanovskııdiń sózine qaraǵanda, keshendi júıe oryn alǵan aqaýlardy tez arada retteýge septesedi. Máselen, qosalqy stansııanyń birinde jumys toqtap qalsa, ortalyqtaǵy dıspetcherlerge habar bar-joǵy 60 sekýndtyń ishinde kelip túsedi. Iаǵnı, dál osy ýaqytta belgili bir aýdannyń turǵyndary jaryqsyz qaldy degendi bildiredi. Dıspetcher óz kezeginde júıeniń kómegimen rezervti stansııany iske qosyp, ýaqytsha elektr energııasymen qamtamasyz ete alady.
Qazirgi tańda kompanııa men jergilikti ýnıversıtet birlesken joba ázirleýde. Ondaǵy maqsat – stýdentterdi mamandyqqa 1-shi kýrstan bastap beıimdeý, óndiristik tájirıbege tartý. Sonda dıplomdy bilikti maman bolyp shyǵady. Ásirese, aqparattyq tehnologııalar mamandyǵynda oqıtyn stýdentter úshin bul baǵdarlama qyzyqty ári paıdaly bolmaq.