Ekologııa, geologııa jáne tabıǵı resýrstar mınıstri Maǵzum Myrzaǵalıev brakoner oǵynan qaza tapqan ınspektordyń týǵan-týystaryna kóńil aıtty.
«Búgin brakonerlerdi ustaý kezinde Ohotzooprom ınspektory Qanysh Nurtazınov qaza taýyp, Ospanov Samat aýrýhanaǵa tústi. Qyzmettik mindetin oryndaý kezinde kóz jumǵan marqumnyń otbasyna qaıǵyryp, kóńil aıtamyn. Olardyń otbasyna barlyq qajetti kómek kórsetiledi» delingen mınıstrdiń twitter paraqshasynda.
Aıta ketý kerek, búgin Aqmola oblysynda kıik qorǵaǵan eki ınspektorǵa oq tıip, bireýi qaıtys boldy. Qaza tapqan ınspektordyń aty-jóni Qanysh Serikuly Nurtazınov. 1976 jyly 24 qańtarda dúnıege kelgen. Nurtazınov «Ohotzooprom» mekemesine 2016 jyly 5 qańtarda jumysqa alynǵan. Marqumnyń sońynda 3 qyzy men 2011 jylǵy bir er balasy jáne jubaıy qaldy.