Keshe shamamen saǵat 11.00-de «Ohotzooprom» О́B» RMQK Ortalyq óńirlik fılıalynyń ınspektorlary Aqmola oblysy, Jarqaıyń aýdanynyń aýmaǵynda tabıǵatty qorǵaý zańnamasyn buzǵandardy anyqtap, jolyn kesý boıynsha júrgizilgen is-shara barysynda kıikterdi kózdegen brakonerlerge kez bolǵan. Eki ınspektor aram pıǵyldy azǵyndardyń izine túsken. Olardyń tizgindegen kóligi – aq tústi «Nıva». Kóliktiń memlekettik nómiri naqtylanbaǵan, biraq Qostanaı oblysyna tıesili ekeni belgili bolǵan. Osy kóliktiń qyr sońyna túsken ınspektorlarǵa oq atylyp, ekeýi de aýyr jaraqat alady. Olardyń biriniń jaǵdaıy tym qıyndap, es-tússiz qalǵan. Oqıǵa ornyna sanıtarlyq avıasııa shaqyrylyp, jaralanǵandar Derjavın qalasynyń aýdandyq aýrýhanasyna jetkizilgen. Bul týraly alǵashqy habardy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń baspasóz qyzmeti taratty.
Keıinnen qandyqol brakonerlerdiń oǵy tıgen ınspektorlardyń bireýi aýrýhanaǵa bara jatqan jolda jan tapsyrǵany málim boldy. Ol – 1976 jyly 24 qańtarda dúnıege kelgen Nurtazınov Qanysh Serikuly. Qaraǵandy oblysy, Ulytaý aýdany, Qoskól aýdanynyń turǵyny Qanysh «Ohotzooprom» mekemesine 2016 jyldyń 5 qańtarynda jumysqa turǵan. Onyń artynda áıeli, úsh qyzy jáne 2011 jyly týǵan uly qaldy. Marqumnyń denesin týǵan aýylyna jetkizý jaıy qarastyrylyp jatyr. Bul týraly Ekologııa, geologııa jáne tabıǵı resýrstar mınıstrligi habarlady.
Al jaralanǵan ekinshi ınspektordyń esimi – Ospanov Samat Kóshbergenuly. Ol 1975 jyly Aqmola oblysynda týǵan. Samatqa Derjavın aýdandyq aýrýhanasynda ota jasaldy.
Memleket basshysy Qasym-Jomart Toqaev brakonerlerdiń qolynan qaza tapqan azamattyń otbasyna kóńil aıtty. Bul týraly Qazaqstan Prezıdenti Twitter-de «Brakonerlermen arpalysta erlikpen qaza bolǵan qoryqshy Qanysh Nurtazınovtyń jaqyndaryna shynaıy kóńil aıtamyn. Qaskóıler ustalyp, jaýapqa tartylady. Kıikterdi atqany úshin jazany kúsheıtý qajet. Qaza tapqan Q.Nurtazınov marapattalatyn bolady. Ańshy S.Ospanovtyń saýyǵyp ketýin tileımin», dep jazdy.
Ekologııa, geologııa jáne tabıǵı resýrstar mınıstri Maǵzum Myrzaǵalıev ta Twitter-degi paraqshasynda brakonerlerdi ustaý kezinde qaza tapqan Qanysh Nurtazınovtyń otbasyna qaıǵyra kóńil aıtyp, barlyq qajetti kómektiń kórsetiletinin jazdy.
Al kúdiktilerdi izdestirý jumystarymen Aqmola oblysy, Jarqaıyń aýdanynyń polısııa bólimi aınalysyp jatyr. «Aqmola oblysynda «Ohotzooprom» О́B» RMQK ınspektorlaryna shabýyl jasaý faktisi boıynsha Qylmystyq kodeksiniń 99-baby 1-bólimi (kisi óltirý) boıynsha qylmystyq is qozǵalýda. Qazirgi ýaqytta arnaıy qurylǵan jedel-tergeý toptary kúdiktilerdi ustaý boıynsha keshendi is-sharalar júrgizip jatyr. Polısııa qyzmetkerleri ustaý josparyn ázirlep, buǵan Jarqaıyń, Esil jáne Jaqsy aýdandyq polısııa bólimderiniń jeke quramy jumyldyryldy. Kúdiktilerdiń avtokóligin baǵdarlaý barlyq patrýldik qyzmet narıadtaryna tapsyrylyp, Jarqaıyń jáne kórshiles aýdandardyń aýmaǵyna 10 beket blogy qoıyldy. Jedel izdestirý sharalary jalǵasýda», dep habarlady Aqmola oblysy Polısııa departamentiniń baspasóz qyzmeti.
Dál osyndaı oqıǵa jyl basynda tirkelip, Qaraǵandy oblysy Nura aýdanynda kıik atqan brakonerler eki ınspektordy jaraqattaǵan edi. Aýyr jaraqattan es jımastan Erlan Nurǵalıev 15 qańtarda Nur-Sultan qalasynda №1 aýrýhanada kóz jumǵan. Ol da «Ohotzooprom» ınspektory edi. Kóp uzamaı arnaıy operasııa barysynda IIM Krımınaldyq polısııa departamentiniń jedel qyzmetkerleri Qyzylordadaǵy jeke úılerdiń birinde osy oqıǵaǵa qatysty úsh kúdiktini ustady. Qazir Qaraǵandy oblysynda tergeý jumystary júrgizilip jatyr. Qazaqstan Prezıdentiniń 31 qańtardaǵy Jarlyǵymen qyzmettik boryshyn atqarý ústinde kórsetken erjúrektigi men janqııarlyǵy úshin Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» О́B» RMQK Ortalyq óńirlik fılıalynyń ınspektorlary Erlan Nurǵalıev (marqum) pen Petr Nısyk III dárejeli «Barys» ordenimen nagradtaldy.