Prezıdent tapsyrmalaryn oryndaý jospary bekitildi

Investısııalyq ahýaldy jaqsartý qajet

Úkimet basshysy halyqtyń ál-aýqa­tyn jáne jalpy ekonomıkany jaqsartýǵa baǵyttalǵan Prezıdenttiń tapsyrmalaryn eske sala otyryp, Mınıstrler kabınetiniń qazirgi mindeti – halyqtyń ómir súrý sapasyn jaqsartý jáne tabysyn arttyrý, jańa jumys oryndaryn ashý jáne jańa ınvestısııa­lar tartý ekenin atap ótti.

«Barlyq memlekettik organdar, ult­tyq holdıngter men ákimdikter ınves­tısııalardy tartý boıynsha jumys­ty belsendi túrde júrgizýleri tıis. Osy jumysty baqylaý úshin árbir mem­lekettik organǵa, holdıngke jáne ákim­dikke ózekti tıimdilik kórsetkishteri bel­gilenedi. Úkimet jańa tıimdi jumys oryndaryn quryp, ekono­mıkanyń basym sektorlarynda óndiris­ti ártaraptandyrýdy, ozyq tehnologııalardy engizip, eksportty keńeıtýi qajet. Osy rette memleket tarapynan qajetti qoldaý sharalary qabyldanyp, ınvestısııalyq ahýaldy jaqsartý kerek», dedi Premer-Mınıstr.

«Áleýmettik salany damytý maqsa­tynda birqatar naqty sharalar qolǵa aly­nady. Sonyń ishinde, muqtaj adam­darǵa áleýmettik qoldaý kórsetýdiń naq­ty jáne ashyq rásimderi belgilenedi, áleý­mettik qoldaýdyń kepildi kólemin kórsetýdiń biryńǵaı tásilderi jasalady. Bilim berý salasynda bilim men ǵylymdy tolyq qarjylandyrýdy qamtamasyz etýdiń is-qımyl jospary ázirlenedi, mektepti jáne kásiptik-tehnıkalyq bilim berýdi odan ári reformalaý jumysy jalǵasady», dedi Úkimet basshysy.

Bıýdjet qarajaty únemdeledi

Premer-Mınıstrdiń birinshi orynbasary – Qarjy mınıstri Á.Smaıylov bıýdjetti jan-jaqty únemdeý máselesine keńinen toqtaldy. «Tamyzda jalpy sıpattaǵy transfertterdi esepteý ádistemesine ózgerister engiziledi. 2020-2022 jyldarǵa arnalǵan jalpy sı­pat­taǵy transfertter 2020 jyldyń 1 qań­tarynan bastap korporatıvtik tabys salyǵyn shaǵyn jáne orta bıznes­ten jergilikti bıýdjetterge berýdi eske­re otyryp, aıqyndalatyn bolady. Bıyl qazan aıynda kvazımemlekettik sek­torǵa bólinetin qarajatty paıdalaný tıimdi­ligine taldaý júrgiziledi. Sa­lyn­ǵan qarajattan qaıtarymdy baqylaý tásil­deri jáne kvazımemlekettik sektor qyz­metiniń tıimdiligin baǵalaý úshin ádis­teme jobasy ázirlenedi», – dedi Á.Sma­ıylov.

Úkimet basshysynyń birinshi orynbasary kvazımemlekettik sektordaǵy kompanııalardyń ysyrap jasaýyna qan­daı tosqaýyl qoıylatynyn aıtty. «Bıyl jeltoqsanda Ulttyq ekonomıka mı­nıstrligi Esep komıtetimen birlesip, memlekettik jáne kvazımemlekettik sek­tor­larda bıýdjet qarajatyn tıimsiz paı­dalanǵany jáne josparlaǵany úshin jaýap­kershilikti kúsheıtý boıynsha sharalar, onyń ishinde zańnamaǵa ózgerister qabyl­danatyn bolady», dedi Úkimet basshy­synyń birinshi orynbasary.

Sondaı-aq Á.Smaıylov bıýdjet qara­jatynyń tıimdiligin arttyrý maq­sa­tynda bıýdjettik ótinimderdi qaraý ke­zinde eń aldymen áleýmettik-ekono­mı­kalyq áseri eskeriletinin aıta kelip, kórmeler, konferensııalar jáne dóńge­lek ústelder ótkizýge arnalǵan shy­ǵys­tarǵa taldaý júrgizilip jatqanyn málim­dedi. Onyń aıtýynsha, ımıdjdik is-sha­ra­larǵa ketetin shyǵyn negizinen jer­gi­likti bıýdjetten jumsalmaq.

 

Shıkizat emes taýarlar  men qyzmetter eksporty  2 esege artady

So­nymen qatar Á.Smaıylov Prezı­denttiń eksportty damytý týraly tap­­syrmasy aıasynda atqarylatyn ju­mys­tar týraly da baıandady. «Eksportty ulǵaıtý jáne qazaqstandyq taýarlarǵa arnalǵan naryqtardy keńeıtý maqsa­tynda jańa Saýda jáne ıntegrasııa mınıstrliginiń jumysy sharalar keshe­nin ázirleýge jáne ony iske asyrýǵa baǵyttalatyn bolady. Eksportty damytý salasyndaǵy tujyrymdamalyq tásildi jańǵyrtý maqsatynda álemdik naryqtaǵy qazirgi jaǵdaıdy eskere otyryp, Ulttyq eksporttyq strategııa qaıta qaralady. Osy jumystyń aıasynda 2025 jylǵa qaraı shıkizat emes taýarlar men kórsetiletin qyzmetterdi eksporttaýdy 2 esege arttyrý úshin tıimdi sharalar keshenin jasaý josparlanyp otyr. Shıkizat emes taýarlar men kórsetiletin qyzmetterdi eksporttaýǵa ilgeriletý jónindegi Jol kartasy jaqyn arada engiziledi», dedi Á.Smaıylov. Sondaı-aq halyqaralyq naryqta Qazaqstan taýarlary men qyzmetterin kóbeıtý úshin dástúrli naryqtarda jańa saýda baılanystaryn qalyptastyrýǵa basa nazar aýdarý qajet. Bul úshin shetelde saýda ókildikteri jelisin keńeıtý usynylady.

«Deldaldyq baılanystardy qys­qar­tý maqsatynda kókónister men jemis­ter­di saqtaýǵa arnalǵan zamanaýı ınfra­qu­ry­lym, azyq-túlik ónimderine arnal­ǵan ta­ratý ortalyqtary qurylady. Kórshi eldermen kóliktik-logıstıkalyq jeli damytylady. Qolma-qolsyz tólem­der­di yntalandyrý jáne elektrondy kom­­mersııany damytý arqyly shaǵyn já­ne mıkro-bıznesti kóleńkeli saýdadan jap­paı shyǵarý josparlanýda», dedi Úki­met basshysynyń birinshi orynba­sary.

Bos jerlerdi aınalymǵa tartý jospary bekitildi

Úkimet otyrysynda Premer-Mı­nıs­trdiń orynbasary Jeńis Qasymbek agroónerkásip keshenin damytýdyń mem­lekettik baǵdarlamasyna 2019 jyldyń qazan aıynda ózgertýler engiziletinin habarlady.

«Memleket basshysynyń tapsyrmasy boıynsha Agroónerkásip ke­she­nin damytýdyń memlekettik baǵ­darla­ma­syna 2019 jyldyń qazan aıynda óz­ger­týler engiziledi. Onyń ishinde agro­óner­kásip keshenin mem­lekettik qoldaý sharalarynyń turaq­tylyǵy men aı­qyn­dylyǵyn qam­tamasyz etý, agroónerkásip keshe­ni­niń ózara mindettemeleriniń jıyn­­ty­ǵyn aıqyndaý, óńdeý zaýyt­taryn jańǵyrtýǵa, qaıta qurýǵa trans­ulttyq korporasııalardy tartý, jer resýrs­­taryn utymdy paıdalaný shara­laryn qabyldaý eskerilgen», deı kele J.Qasymbek «QazAgro» Ulttyq basqa­rý­shy holdıngi»AQ qyzmetiniń tıimdi­ligin arttyrý máselesine de toqtaldy.

«Bıznes-prosesterdiń qarjylyq tu­raqtylyǵyn qamtamasyz etý jáne­ tıim­diligin arttyrý maqsatyn­da «QazAgro» holdınginiń transforma­sııa­lyq baǵ­dar­lamasy daıyndaldy. 2020-2029 jyl­darǵa arnalǵan holdıngtiń jańa stra­tegııasynyń jobasy ázirlenip, sala­nyń negizgi basymdyqtary eskerildi. Bıznes-prosester men qurylymdy ońtaı­landyrýdy tolyq avtomattandyrý júzege asyrylady. Holdıng sheteldik ma­mandardy tartady», dedi Úkimet basshy­synyń orynbasary.

J.Qasymbektiń aıtýynsha, Aýyl sharýashylyǵy mınıstrligi men Bas prokýratýra paıdalanylmaǵan jerlerdi anyqtaý jáne ony aınalymǵa engizý boıynsha is-sharalar josparyn bekitti. «Bıyl jer monıtorıngi, jerdi paıdalaný, qorǵaý, memlekettik baqylaý jáne jer telimderin bólý úderisterin avtomattandyrý, sondaı-aq paıdalanylmaǵan jerlerdi aınalymǵa engizý jáne qaıtarý jónindegi sharalardy qamtamasyz etý boıynsha zańnamany jetildirý josparlanýda», dedi J.Qasymbek.

Sonymen qatar aýyl sharýashylyǵy jerlerin satý jáne jalǵa berýge qoıylǵan moratorıı máselesine toqtalyp, Aýyl sharýashylyǵy mınıstrliginiń alańynda zań jobasynyń tujyrymdamasy ta­nys­tyrylǵanyn aıtty. «Atalǵan máseleni qoǵamdastyqpen talqylaý turǵysynda óńirlerge saparlaý kestesi bekitildi. 2019 jyldyń sońyna qaraı bul másele Qazaqstan Respýblıkasy Prezıdentiniń janyndaǵy Ulttyq qoǵamdyq senim keńesine usynylatyn bolady», dedi Úkimet basshysynyń orynbasary.

Jańa zań eńbek daýlaryna jol bermeıdi

Memleket basshysy Úkimettiń keńeı­tilgen otyrysynda kótergen máse­leler­diń biri sheteldik kompanııalardaǵy eńbek daýlary. Osy oraıda Pre­mer-Mı­nıstr­diń orynbasary Gúlshara Ábdiqa­lyqova qazirgi tańda qyz­met­ker­lerge teń eńbek jaǵdaıyn jasaý, eńbekti qor­ǵaýdy basqarýdyń zamanaýı júıesin engizý boıynsha jumys berýshilerdiń mindetteri men jaýapkershiligin bekitýdi kózdeıtin zań jobasy ázirlengenin, qujat jaqyn arada Parlamentke jiberiletinin málimdedi. «Alǵa qoıylǵan tapsyrma­lardy júzege asyrý úshin shetelden jumys kúshin tartatyn kásiporyndarda shıe­lenistiń aldyn alý jáne boldyrmaý is-sharalar jospary ázirlenýde. Keıbir kásiporyndarda tekserýler júrgizý jos­parlanǵan. Onyń qorytyndysyna sáı­kes, zańnamalyq aktilerdi jetildirý boıyn­sha keshendi usynystar ázirlenetin bola­dy», dedi Úkimet basshysynyń oryn­basary.

«Prezıdenttiń tapsyrmalaryn oryn­­daýǵa arnalǵan jospardy sapaly is­ke asyrý kerek. Prezıdent Úki­met ju­my­syna senim bildirip, Úki­met pen ákim­dikter aldyna mańyzy úlken mindet­ter qoıdy. Bul – úlken jaýap­ker­shilik. Sondyqtan biz osy senimdi toly­ǵymen aqtaýymyz kerek. Memleket bas­shy­synyń barlyq tapsyrmalaryn oryndaý maqsatynda tıisti is-sharalar jospary ázirlendi. Jospardy tolyqtaı ári sapaly oryndaýymyz kerek», dedi A.Mamın.