Jahandy sharlaǵan júırik motosıkl

Saıahatshy ózi qalyp­tas­tyr­ǵan dástúr boıynsha dám buıyrǵan memleketterdiń týy beder­lengen japsyrmany kóli­gine jabystyryp otyrǵan. Búginde «atyń barda el tany, jelip júrip» degendi jadyna berik toqyǵan otandyq jıhankezdi tanymaıtyn jurt kemde-kem. Jyl mezgilderine, jaýyn men daýylǵa qaramaı álemniń kórikti jerlerin kezip júretin onyń tabany tımegen memleket joqtyń qasy. Qazaqstannyń týyn ıyǵyna ilip, jumyr jerdi shyr aınalǵan ol elimizdiń atyn san márte álemge tanytty. 

Qos dóńgelekti tulparyna minip júıtkigen Petrýhınniń aldynan tabıǵattyń tosyn minezi­nen bastap, san myń­­daǵan kedergiler kezdesken. Sonda da óziniń súıikti kási­bi­nen qol úzbegen saıahatshy suh­­battarynyń birinde: «Men ómir boıy, tipti jolǵa attan­ǵanda da qıyndyqtarǵa qara­mastan óz kásibime jan-tánim­men berilgen adam ekenimdi dálel­dedim. Árıne bul zil-batpan eń­bek. Motosıklmen bir kún júr­genniń ózinde ábden sharshap, úıińe áreń jetip, tıtyqtap tósekke qulaısyń. Al mende bul tirlik kún saıyn qaıtalana beredi. Moto­sıklmen jol apatyna ushy­radym. Tutqynǵa da tús­tim. Jer silkinisine de kez bol­dym. «Katrın», «Sendı» daýyldarynda da boldym. Da­la­da túneýim múmkin. Keıde ash qur­saq júrýge týra keledi. Bári­bir men jıhankezdigimdi qoıa almaı­myn. Sonyń ózinde óz kási­­bimdi súıemin. Otanyn, otbasyn, kásibin súıgen adam ǵana eń ba­qytty jan», dep aıtqany bar. 

Este bolsa, saıahatshy 57 ja­synda Vıktorııa sar­qy­­ra­masynda arqan ar­qyly 175 me­tr bıiktikten seki­rip, álem jurt­shylyǵyn tań­ǵal­dyr­ǵan edi. Sol kezde álem­degi aq­parat qural­dary otan­da­sy­myzdyń bul er­ligin jarysa jaz­­ǵan bolatyn. Búginde onyń je­ke kolleksııasynda mun­daı motosıklderdiń san túri kezdesedi.

ALMATY