Almaty kósheleri sán-saltanatymen qulpyryp, óziniń ǵajap kelbetimen yntyqtyra túsedi. Tańerteńgi mezgil jumysqa asyqqan júrginshiler qataryna ilesken siz de tizbek qurap, alǵa enteleı beresiz. Aldyńyzdaǵy taqtatastyń boıyndaǵy úlken butaqtyń jıegine kózimiz túskenin qarańyz.Tańdanasyz, tańyrqaǵan kúıi móldirep, janardy arbaı túskeni, shirkin. Jasyl japyraqtar arasynan jylt etip kózge túsken ýyz moıyldar ádemi áspetimen, erekshe kerim kórinisimen tańyrqatqan sát eriksiz sýretke suranyp tur. Jylt etken fotoapparatty baǵamdaǵan kúzetshi sizge jaqyndaı bere eriksiz eskertip ótedi. Bıik ǵımaratty fotoǵa alýǵa bolmaıtynyn eskertip úlgergen ol moıyldy kórip, bizdiń shalt qımylymyzǵa keshirim de surap úlgerdi. Jol jıegindegi jasyl japyraqtar arasynan kóz jaýyn alǵan moıyldarǵa tańyrqaı qarady. Móldiregen moıyldyń endi qyzara bastaǵan sabaqtary ýyzdaı qyltııady.
Saparbaı PARMANQUL, «Egemen Qazaqstan»
ALMATY