Qandyqol brakoner quryqtaldy

Bul oqıǵa týraly Ishki ister mınıstri Erlan Turǵymbaev ar­naıy málimdeme jasady. Ja­rııa bolǵan maǵlumat boıyn­sha «Ohotzooprom» О́B» RMQK Ortalyq óńirlik fılıaly­nyń ıns­pektorlaryna shabýyl jasa­ǵan qylmyskerlerdi anyqtaý jáne ustaý úshin respýblıka kóle­minde «Ustaý» jospary jasa­lyp, qoldaǵy derekter bar­lyq aı­maq­tarǵa jóneltilgen. Oqı­ǵa or­nyna jaqyn ornalasqan Aq­mola, Qostanaı jáne Soltústik Qa­zaq­stan oblystarynyń jeke qura­my dereý kúsheıtilgen qyz­met­ke kóshirilgen. Oblystyq já­ne respýblıkalyq mańyzy bar joldarǵa blok-beketter qoıy­lyp, úsh oblystyń avtojoldary boıymen jedel-izdestirý toptary jiberilgen. Izdestirý ju­mystaryna IIM TJK tikushaq­tary, IIM Krımınaldyq polı­sııa departamentiniń jáne «Ar­lan» arnaıy bólimshesiniń qyzmet­kerleri qatysty.

Josparlanǵan is-sharalardyń nátıjesinde Arqalyq qalasynyń turǵyny kúdikti retinde anyq­ta­lyp, qamaýǵa alyndy. Sondaı-aq qylmys ornynan 20 shaqyrym jerde qaldyryp ketken «Nıva» mar­ka­ly avtokólik tabyldy. Qa­zirgi ýaqytta kúdiktige qatysty tergeý amaldary júrgizilýde. Qyl­mys quraly men oq-dári­ler tárkilendi. Birqatar krımı­­nalıstik saraptamalar belgi­lendi. Bul qylmysqa basqa da qaty­sýshylardyń bar-joǵy tekse­rilip jatyr. Qoryqshy Q.S.Nur­tazınovtyń ólimine jáne qo­ryqshy S.K.Ospanovty óltirý áre­ketine baılanysty  Qylmystyq kodekstiń 99-baby, 2-bólimi boıynsha qylmystyq is qozǵaldy.

Sonymen qatar Ishki ister mı­nıstri Erlan Turǵymbaev ishki ister organdarynyń brakoner­lik­tiń aldyn alý jáne jolyn kesý boıynsha atqaryp jat­qan jumystary týraly habar­la­dy. «Jyl basynan beri kıik­terdi bra­konerlik jolmen aýlaý fak­tisi boıynsha 37 qyl­mystyq is qozǵaldy, 32 adam us­tal­dy. Son­daı-aq 634 kıik múıizi, qylmys quraldary, 13 av­to­kólik jáne 19 atys qarýy tár­ki­lendi. Keltirilgen shyǵyn kó­lemi 1,3 mıllıard teńgeden asty. Brakonerlik úshin ákim­shi­lik jáne qylmystyq jaýap­ker­shi­likti kúsheıtý, onyń ishinde múlik pen qylmys qura­lyn tár­ki­leý týraly usy­nystar engi­zildi. Tabıǵat já­ne jan-janýar­lar álemine qatys­ty zańdar­dy buzýshylar keltir­gen zııan úshin óndiriletin ótem­aqy mól­sherin arttyrý máse­lesi de py­syq­talýda. Orman sharýa­shy­lyǵy jáne jan-janýarlar ále­min qorǵaý bólimsheleriniń kólik­terin arnaıy jaryq jáne dybys sıg­nal­darymen jab­dyq­tap, bel­gili bir túske boıaý týraly is-sharalar ázirlendi», dep kór­­setilgen mı­nıstrdiń málimde­mesinde.

Kıikterdiń ómirin arashalap júrip ajal qushqan Qanysh Nur­tazınovty aqtyq saparǵa shy­ǵaryp salý rásimi 26 shildede Qaraǵandy oblysynyń Jezqaz­ǵan qalasynda ótedi. Marqumnyń denesi týǵan aýylyna erteń jetkizilse, týystary men jaqyn­dary janazasyn juma kúni shy­ǵarady.

Al jaralanǵan ekinshi ıns­pektor Samat Ospanovtyń ómirine qazirgi ýaqytta qaýip tónip turǵan joq. Oǵan Derjavın aý­­dandyq aýrýhanasynda ota ja­­saldy. Kóp beıindi aýrýhana dırektorynyń hırýrgııa jó­nin­degi orynbasary Dmıtrıı Chaı­kov naýqasty qosymsha tekse­rýden ótkizip, keýde qýysyn jáne ıyq súıegin kompıýterlik tomografııaǵa túsirgenderin ha­barlady. Qazir ol travmatolo­gııa bólimshesinde kúzettiń qa­daǵalaýymen arnaıy palataǵa jatqyzylǵan.