Sársenbi, 22 mamyr 2013 1:41
Stansany saldyrǵan – bir kezderi Ońtústik Qazaqstan oblysy men el Úkimetin basqarǵan Sergeı Aleksandrovıch Tereshenkonyń dál ózi. Qurylysynyń sońǵy núktesi jańa ǵana qoıylyp, tutynýshylaryna alǵashqy elektr qýatyn endi ǵana bere bastaǵan stansanyń jobasy Sergeı Aleksandrovıchke 1 mıllıard 350 mıllıon teńgege túsipti. Al Sekeń bolsa búginde «A&T-Energo» jaýapkershiligi shekteýli seriktestiginiń quryltaıshysy bolyp tabylady.
Sársenbi, 22 mamyr 2013 1:41
Stansany saldyrǵan – bir kezderi Ońtústik Qazaqstan oblysy men el Úkimetin basqarǵan Sergeı Aleksandrovıch Tereshenkonyń dál ózi. Qurylysynyń sońǵy núktesi jańa ǵana qoıylyp, tutynýshylaryna alǵashqy elektr qýatyn endi ǵana bere bastaǵan stansanyń jobasy Sergeı Aleksandrovıchke 1 mıllıard 350 mıllıon teńgege túsipti. Al Sekeń bolsa búginde «A&T-Energo» jaýapkershiligi shekteýli seriktestiginiń quryltaıshysy bolyp tabylady.
Sońǵy jyldary Jambyl óńirinde jel, kún jáne sý arqyly elektr qýatyn óndirý jumystaryna erekshe nazar aýdarylyp keledi. Bul birinshiden, qorshaǵan ortaǵa múlde zııansyz. Ekinshiden, tabıǵat múmkindikterin keńinen paıdalanýǵa jol ashady. О́tken jyly Qordaı jáne Merki aýdandarynda jel jáne sý qýaty arqyly elektr qýatyn beretin úsh stansa paıdalanýǵa berildi. Olar búginde halyq ıgiligine aınalyp otyr. Álem elderi, onyń ishinde qazaqstandyqtar da bar, elektr qýatynyń tapshylyǵyn aıqyn sezine bastaǵan tusta jambyldyqtar sııaqty jańa qýat kózin izdeýge qulshyný, bul jaqsy úrdis. О́ńir ekonomıkasy úshin de úlken strategııalyq qadam.
Tasótkel sý elektr stansasynyń qurylys jumysyna shamamen 110 adam qatysypty. Al endi stansa paıdalanýǵa berilgennen keıin 30 adam turaqty jumys istep jatyr. Elektr qýatynyń 1 kVt/saǵ. úshin jobalanǵan baǵa 11 teńgeni quraıdy. Qalalyqtar úshin sý tegin kórinetin bul elektr qýatyn, qudaı qalasa, endi aýyl turǵyndary qýana-qýana tutynatyn bolady. Stansanyń qýattylyǵy 9,2 mVt quraıdy. Jobanyń qaıtarymy 6 jyl.
Al jańa óndiris ornynyń ashylý saltanatyna jınalǵan shýlyqtardyń ózderine shapaǵaty túsken S.Tereshenkoǵa degen alǵystary óte sheksiz.
Kósemáli SÁTTIBAIULY,
«Egemen Qazaqstan».
Jambyl oblysy,
Shý aýdany.