Dmıtrıı Balandın 200 metrge brass ádisimen júzýden álem chempıonatynyń fınalyna joldama aldy dep habarlaıdy Olympic.kz.
Irikteý synynda Balandın 11-shi orynmen jartylaı fınalǵa ótken bolatyn. Jartylaı fınaldyq básekede bizdiń sportshy atalǵan qashyqtyqty 2:08.9 ýaqyt kórsetkishinde júzip ótti. Bul Balandınniń bıylǵy maýsymdaǵy úzdik nátıjesi.
Jalpy esepte Rıo Olımpıadasynyń chempıony jetinshi oryn ıelenip, aqtyq synǵa ótken úzdik segizdik qataryna endi. Ázirge birinshi orynda avstralııalyq Metıý Ýılson (2:06.67) tur. Ýılsonnyń kórsetkishi álemdik rekord sanalady.
Sondaı-aq, aqtyq synǵa ótken sportshylar qatarynda Anton Chýpkov (Reseı), Endrıý Ýılson (AQSh), Zak Stabltı-Kýk (Avstralııa), Erık Persýnn (Shvesııa), Ipeı Vatanabe (Japonııa), Marko Koh (Germanııa) bar.