1941 jyly 24 maýsym kúni Máskeýde basylyp shyqqan «Komsomolskaıa pravdanyń» alǵashqy betinde KSRO halyq komıssarlar keńesi tóraǵasynyń birinshi orynbasary Vıacheslav Molotovtyń málimdemesi ornalasqan. Onda soǵystyń bastalǵany, jaý ushaqtarynyń Kıev, Sevastopol, Kaýnas qalalaryn bombalaǵany, odan qandaı aýyr zardap kelgeni aıtylǵan. Barlyq turǵyndardy Keńes odaǵyn qorǵaýǵa, fashıstermen kúresýge shaqyrady. Zaýyttarda eńbek etetin jumysshylar suhbat berip, maıdan dalasyna attanýǵa árkez daıyn ekendikterin bildirgen. Tarıhı shejire ispettes sarǵaıǵan basylymnyń ekinshi beti halyqaralyq jańalyqtarǵa arnalyp, qandaı memleketterdiń jaýlap alynǵany habarlanǵan, deıdi tarıh ǵylymdarynyń doktory.
Oǵan bul gazetti bir dosy syılapty. Sodan beri kóziniń qarashyǵyndaı saqtap keledi. Ol úshin qundy taǵy bir dúnıe – maıdan dalasynan jazylǵan bir japyraq hat. О́te ystyq kóretini, úshburyshty hat 1943 jyldyń naýryz aıynda ózi týyp-ósken Petropavldaǵy bir boıjetkenge joldanǵan. Aleksandr esimdi túbit murtty bozbala soǵys ahýalyn sıpattaı kelip, tańǵy shyqtaı móldir sezimin, ińkár saǵynyshyn óleń shýmaqtary arqyly kestelegen. Soǵan qaraǵanda eki ǵashyq bir-birin kópten beri biletin, júrek syrlaryn aıtpaı-aq uǵatyn tárizdi. Esil erdiń soǵystan qaıtpaı qalǵany anyq. О́ıtkeni súıiktisi bir japyraq hatty óle-ólgenshe boıtumardaı saqtap kelgen. Aqtyq demi taýsylar aldynda buǵan amanattap ketipti.
– Meniń ákem de soǵys ardageri edi. Chehoslovakııadaǵy, Qıyr Shyǵystaǵy qandy joryqtarǵa qatysqan. Osy sebepti maıdangerlerdiń ishki jan dúnıesin bir kisideı bilemin. Marqumnyń hatty jumyrlaı qysyp, keýdesine qysyp jatqan, keýdesin ashy óksik bılegen beınesi kóz aldymnan ketpeıdi. Netken tazalyq, adaldyq deseńshi, – deıdi júzin ájim torlaǵan ǵalym aýyr kúrsinip. Soltústik Qazaqstan oblysy