«Innovasııalyq forsaj»

Beısenbi, 30 mamyr 2013 2:01

Qostanaı oblysyna keldiA.Baıtursynov atyndaǵy Qos­tanaı memlekettik ýnı­ver­sıtetiniń aldynda Astanadan kelgen «Innovasııalyq forsaj» avtobýsyn stýdentter túrli-tús­ti sharlatyp, jalaýlatyp qarsy aldy. Innovasııalyq avtobýstyń kelý maqsaty – res­pýblıkada júrgizilip jatqan ınnovasııalyq bıznes josparlar konkýrsy týraly turǵyndardy aqparattandyrý jáne qaýqary jeterlik kásipkerlerdi oǵan qatysýǵa tartý bolyp otyr. In­novasııalyq jobalar konkýrsynan jurtshylyq telearnalardaǵy «Innovasııalyq forsaj» teleshoý arqyly tanys.

Beısenbi, 30 mamyr 2013 2:01

Qostanaı oblysyna keldiA.Baıtursynov atyndaǵy Qos­tanaı memlekettik ýnı­ver­sıtetiniń aldynda Astanadan kelgen «Innovasııalyq forsaj» avtobýsyn stýdentter túrli-tús­ti sharlatyp, jalaýlatyp qarsy aldy. Innovasııalyq avtobýstyń kelý maqsaty – res­pýblıkada júrgizilip jatqan ınnovasııalyq bıznes josparlar konkýrsy týraly turǵyndardy aqparattandyrý jáne qaýqary jeterlik kásipkerlerdi oǵan qatysýǵa tartý bolyp otyr. In­novasııalyq jobalar konkýrsynan jurtshylyq telearnalardaǵy «Innovasııalyq forsaj» teleshoý arqyly tanys. Bul joly kórermenderdi osy teleshoýdy qaraýǵa úgitteý de qaperden tys qalmaıdy. «Innovasııalyq forsaj» avtobýsymen res­pýb­lıka óńirlerin aralaýdy «Teh­no­logııalyq damý jónindegi ulttyq agenttik» aksıonerlik qoǵamy Indýstrııa jáne jańa tehnologııalar mınıstrliginiń qoldaýymen respýblıkada birinshi ret uıym­dastyrdy. Qostanaı oblysy av­to­býstyń birinshi beketine aı­naldy.

Avtobýspen kelgen qonaqtar agenttik pen Qostanaı oblysy ákimdigi jáne «Tobyl» ÁÁK Investısııa tartý jáne ınnovasııany qoldaý ortalyǵynyń uıymdastyrýymen ótken semı­nar­ǵa qatysty. Onda oblys áki­mi­­niń orynbasary M.Dáribaev qo­naq­tar men jergilikti kásip­ker­­lerdi quttyqtap: «Qazir ǵy­lym­nyń úzdik jetistikteri – san­­dyq, nana-tehnologııalar za­­manynda ómir súrip otyrmyz. Ony dúnıe júzi elderi damý­dyń kepili sanap otyr. Biz de ja­handaný kezinde osy ozyq tehnologııalardy paıdalanýǵa belsene qatysýymyz qajet. Bizdiń ekonomıka ınnovasııalyq jo­balarsyz, jańalyqtarsyz dúnıe­ júzilik básekege tótep bere almaıdy. Sondyqtan sáýir aıyn­da Qostanaıda Qazaqstannyń biraz óńirinen, Belorýssııa men Reseıden ǵalymdar men kásip­kerler qatysqan I ınnovasııalyq forým ótkizdik. Onda otyzdyń syrtynda ınnovasııalyq jobalar qatysqan kórme jurt naza­ryna usynyldy. Bul shara­ny da ınnovasııalyq joba­lar­dyń ómirge joldama alýy úshin jasalyp jatqan ozyq sha­ranyń biri dep bilemin», dedi. Agenttiktiń basqarýshy dırektory Serik Maratov, Innovasııalyq bel­sen­dilikti arttyrý or­ta­ly­ǵynyń dırektory Dámir Tileý­sarıev ınnovasııalyq jobalar konkýrsyna qatysýdyń sharttary men irikteý kezeń­deri týraly aıtyp berdi. Av­to­býspen kelgen mamandar kon­kýrsqa qatysqan ǵylymı jáne ınnovasııalyq jobalardy júzege asyrýdyń jáne oǵan memleketten qarjy alýdyń joldaryn, tetikterin túsindirdi. Semınarǵa qatysýshylar suraq­taryna jaýap berdi. NIF$50K kon­kýrsynyń ótken jylǵy júl­degeri A.Nysanov óz pikirin bil­­dirdi. Innovasııalyq joba­lar konkýrsyna qatysýǵa yn­­ta bildiretin ǵalymdar men kásipkerler oblysta az emes. Agenttik pen telejoba ókilderi solardyń birnesheýiniń jumys­tary­men tanysty. Osy joly agenttik músheleri jer­gilikti ká­sip­kerlerden konkýrsqa óti­nishter qabyldady.Mamyr aıynyń 28-i men maý­symnyń 21-i aralyǵynda «In­no­vasııalyq avtobýs» elimizdiń barlyq óńirlerin aralap ótedi. Onda «NIF$50K ınnovasııalyq jobalar konkýrsynyń sharttary men mehanızmderi týraly keńinen túsinik jumystary júr­giziledi. Sonymen qatar, elimizde osyndaı keń aýqymdy ekono­mıkalyq jumystar júrgizilip jatqany barynsha nasıhattalady.Názıra JÁRIMBETOVA,«Egemen Qazaqstan».QOSTANAI.