Respýblıkalyq #Birge#TazaQazaqstan ekologııalyq aksııasyna ún qosqan kókshetaýlyqtar birliktiń bekem úlgisin kórsetti.
Aksııaǵa qoǵamdyq uıymdardyń músheleri, memlekettik qyzmetshiler, qarapaıym qala turǵyndary qatysty. Kommýnaldyq qyzmet uıymdary qajetti tehnıkamen qamtamasyz etti.
- Qala jurtshylyǵynyń tazalyqqa degen yntasy óte kúshti,- deıdi qala əkimi Amangeldi Smaıylov, - Qalanyń tazalyǵy burynda jaqsy bolatyn. Búgingi baǵaly bastamany bir aýyzdan qoldap jumysqa jumylǵan jurtshylyqty kórgende ər qaısynyń boıyndaǵy jaýapkershilikti aıqyn ańǵarasyń. Aksııa barysynda əsirese, jastar jaz jigermen óz úlesterin qosty. Aǵa býyn ókilderi de qarap qalǵan joq. - Bizdiń bala kezimizde, - deıdi Kókshetaý qalasynyń baıyrǵy turǵyny Alpysbaı Tusynbaev,-Qopa kóli tap taza bolatyn. Tereńdegi qaıraq tastar kórinip jatýshy edi. Zerendi aýdanyndaǵy mal fermalarynyń qoqysy Shaǵalaly ózeni arqyly Qopaǵa quıylyp, kól tabanyndaǵy bulaq kózderi bitelip, qorysqa aınalyp ketti. Shirkin aı, jaǵalaýmen qosa sol bulaqtardyń kózin ashsha ǵoı. Bastama baıandy bolar edi. Senbiliktiń serpindi tusy da osy emes pe!