Ombydaǵy ulttyq sheberhana

Jýyrda osy ortalyqtyń belsendi músheleriniń biri Áskerbek Bogýmbaev astaý shyǵaratyn sheberhana ashty. Túpki oıy – ulttyq qolóner kásibin damytý. Bastapqyda beımálim istiń mán-jaıyn tereń bilmegendikten ári qajetti qarjynyń tapshylyǵynan 3-4 jylǵa kidirip qalǵanǵa uqsaıdy. Biraq «ıgiliktiń erte-keshi joq» demekshi, aqyry táýekel etip, oryndalmastaı kóringen maqsatyna jetkenine qýanýly.

Byltyr Dúnıejúzi qazaq­tarynyń qaýymdastyǵy men «Otandastar» qory birlesip, Omby qalasynda ótkizgen kishi quryltaıda Áskerbek baýyrymyz «Jýsan» halyq­aralyq kásipkerler qaýym­dastyǵynyń tóraǵasy Toǵaı­baı Rysbekpen tanysady. «Izdegenge – suraǵan» degen. Toǵaıbaıdyń aǵashtan astaý, tostaǵan, taǵy basqa ult­tyq ydystar men buıymdar jasaıtynyn estip, ózi úshin tylsym qupııa sanalatyn salanyń qyr-syryn meńgerýge umtylady. Ustazynan dáris alyp, óz betinshe de izdenip, qolymnan keledi-aý degen deńgeıge jetkennen keıin kásibin bastap ketedi. Bir­ne­she adamdy jumysqa alyp, óndiristi damytýǵa 6 myń dollar kóleminde qarajat salady. Qazaqstannan birne­she stanok aldyrtyp, materıal­dyq-tehnıkalyq jaǵynan jab­dyqtalyp bolǵan soń asyǵa kútken alǵashqy astaýlaryn  da shyǵarady, ydys lezde satylyp ketedi. Qazir «Turan» dep atalatyn sheberhana turaqty túrde ju­mys istep tur. Daıyn ydystardy óńdep, syrlap, áshe­keıleýmen kómekshileri Bı­sembaı Myńjasov pen Áı­gerim Dúngenenova aınalysady. Sheberdiń aıtýynsha, tek Omby emes, Reseı naryǵyna baǵyttalǵan sehtyń ónimderi úlken suranysqa ıe. Keleshekte ónimniń túrlerin kóbeıtpekshi.

Tálimger Toǵaıbaı Rysbek shákirtiniń alǵyrlyǵyna, eń­bekqorlyǵyna rıza. Al Ás­kerbektiń sheberhana ashýǵa járdemdesken «Jýsan» ha­lyq­aralyq kásipkerler qa­ýym­dastyǵy men «Otan­das­tar» qoryna alǵysy sheksiz.

Roza ShÁKENOVA

 Soltústik Qazaqstan oblysy