Sharaǵa Mańǵystaý oblystyq Sybaılas jemqorlyqqa qarsy is-qımyl Ulttyq bıýro departamenti basshysynyń orynbasary Ahmetov Murat Jambyluly, Departamenttiń sybaılas jemqorlyq profılaktıkasy basqarmasynyń basshysy Abeldınov Qýandyq Qarshyǵauly, Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń rektory Ahmetov Berik Bahytjanuly jáne prorektor Nurmaǵanbet Ermek Talantuly qatysty.
Memorandým aıasynda ýnıversıtet tarapynan sybaılas jemqorlyqqa qarsy júrgizilgen saýattandyrý jumystaryn birlese atqarýǵa, oqý oryn bazasynda sybaılas jemqorlyqqa qarsy monıtorıng jumystaryn, sybaılas jemqorlyq táýekelderin ishki taldaý jumystaryn júrgizýge jáne ýnıversıtet janynan ashylǵan «Sanaly urpaq – jarqyn bolashaq» jobasynyń aıasynda joǵarǵy oqý oryn júıesinde sybaılas jemqorlyqqa qarsy nóldik tózbeýshilik kózqarasyn qalyptastyrý jónindegi sharalar kesheni júrgiziledi.
Aıta ketetin bolsaq, 2018 jyldyń aıaǵynda atalmysh ýnıversıtet janynan jastar boıynda adaldyq qasıetterin nyǵaıta otyryp, bilim uıymdarynda sybaılas jemqorlyqqa qarsy mádenıetti qalyptastyrý aıasynda satýshysyz «Adaldyq dúkeni ashyldy. Stýdentter dúkenderdiń satýshysyz turǵanyna qaramastan adal bastamashyldyqtarymen qyzyǵa otyryp alǵan zatyna saı janynda turǵan qorapshaǵa aqylaryn salyp ketedi.
Osyndaı satýshysyz dúkenderdi engizý stýdentterdiń boıynda jaǵymdy moraldyq qasıetterin, sonyń ishinde ishki parasattylyq pen adaldyq qasıetterin tárbıeleýge baǵyttaıdy.
Osyǵan oraı, aldaǵy ýaqytta Ýnıversıtet pen Sybaılas jemqorlyqqa qarsy qyzmet arasynda jasalynǵan memorandým eki jaq arasynda sybaılas jemqorlyqqa qarsy mádenıettin qalyptastyrýǵa ózara oń septigin tıgizetini anyq.
Mańǵystaý oblysy