Qala kúni jáne Metallýrgter kúni úshin «Týǵan kúnińmen, súıikti qalam!» atty baǵdarlama daıyndaldy.
Merekelik sharalar zaýyttan bastaldy. Zaýyttyń ortalyq zalynda jınalǵan metallýrgterge basshylyq tarapynan quttyqtaýlar aıtyldy.
- Bizdiń zaýyt ujymyna maqtanýǵa bolady, - dep atap ótti zaýyt dırektory Sergeı Prokopev. – О́ıtkeni,biz óndiristegi óz ornymyzdy saqtap qaldyq. Jáne de óndiris kólemin, ónimdilikti arttyrýdamyz. Zaýytqa jańa tehnologııalar kelýde, bizdiń jumystaǵy maqsatymyz - óndiris salasynyń qorshaǵan ortaǵa zııanyn tıgizbeýge úles qosýdamyz. Bul bizdiń zaýyt ujymynyń eńbegi,-dedi.
Mereke kúni kóptegen metallýrgter «Eńbek dańqy», jáne «Eren eńbegi úshin», « ERG de eren eńbegi úshin» belgilerimen marapattaldy.
Dástúr boıynsha bul kúni zaýyt aldyndaǵy «Qurmet taqtasy» qaıta jańalandy. Taqtaǵa jańadan 33 óndiris ozattarynyń fotolary ilindi. Bul zaýyttyqtardyń eńbekaqylaryna jyl boıy 20 paıyz qosymsha qosylady.
- Bul biz úshin jaqsy serpin beredi,- deıdi energojóndeý sehynyń jas mamany Álibek Asan.- Bizdiń bul adamdarǵa uqsaǵymyz keledi, zaýyt bizdiń ómirimiz degimiz keledi.
- Biz qalamyzben, zaýytymyzben maqtana alamyz. О́ıtkeni, 6,5 myń turǵyn zaýyt jumysshylary. Zaýyttaǵy quıý mashınalaryn, kran mashınalaryn, ferroqorytpa tazalaǵyshtardy jóndeý jumystaryn júrgizýshilerdi shyn júrekten quttyqtaımyn,-deıdi bas dırektor.
Bul kúni 450-den astam metallýrgter kásibı merekelerinde syılyqtar men aqshalaı syılyqtarǵa ıe boldy.
Olar eń joǵary ónerkásiptik jáne korporatıvtik nagradalarǵa usynylyp, qurmetti ataqtarmen marapattaldy. Mereke kúniniń baǵdarlamasy óte qyzyqty ótti. Zaýyttyqtar otbasylarymen kelip, túrli qyzyqty baıqaýlarǵa qatysty.
Ortalyq alańda Nurlan Abdýllın, Aıdana Medenova jáne reseılik estrada ánshisi Hannalar óner kórsetti. Mereke dástúrli otshashýmen aıaqtaldy.
Pavlodar oblysy
Sýretti túsirgen: Irına Sychına