Ekspedısııaǵa 10 óńir men Nur-Sultan qalasynyń «Jańǵyrý joly» RMD ókilderi qatysty.
Alǵashqy sapar Aıyrtaý aýdanynda ornalasqan kıeli oryndardy tamashalaýdan bastaldy. Munda Qarasaı men Aǵyntaı batyrlar memorıaldyq kesheni, jylqyny úı sharýashylyǵyna alǵash úıretken Botaı qonysy, Shoqan Ýálıhanovtyń balalyq shaǵy men jastyq shaǵy ótken Syrymbet aýyly esten ketpes estelikter syılady.
Odan ári Taıynsha aýdanynyń ǵajaıyp jeri sanalatyn «Álem patshaıymy», katolık prıhody tamashalandy. Tıtan men altyn jalatylǵan «Qazaqstan juldyzy» altary oryndalý sheberligimen erekshelenedi.
Saıahatqa qatysýshylar Qurmet kitabyna izgi tilekterin qaldyryp, ýaqyt kapsýlasyn saldy.
Soltústik Qazaqstannyń erekshe tarıhy men mádenıetine tánti bolǵan jastar respýblıkalyq ekspedısııany qyzyqty ótkize bildi.
Soltústik Qazaqstan oblysy