Osylaısha, oblystyq memlekettik qyzmet isteri departamenti mamandarynyń aıtýynsha, memlekettik qyzmet salasynda «Skype» baǵdarlamasy men beıne konferens baılanysy jıi qoldanylady.
Mysaly, Departament qyzmetkerleri, ótkiziletin konkýrstardyń ashyqtyǵyn, jarııalylyǵyn jáne obektıvtiligin baqylaıtyn ýákiletti organnyń ókilderi retinde, aýdan deńgeıinde ótkiziletin konkýrstarǵa «Skype» IP telefonııa baǵdarlamasynyń kómegimen proseske qatysady.
Bul qyzmetkerlerdiń jumys ýaqytyn tıimdi paıdalanýǵa jáne issapar shyǵyndaryn qysqartýǵa múmkindik beredi.
Budan basqa, aǵymdaǵy jyldyń basynan beri oblystyq sottyń konkýrstyq komıssııasy áńgimelesýdi beınekonferensııa baılanysy arqyly ótkizýde.
Mysaly, Qarǵaly aýdandyq sotynyń bas mamany laýazymyna úmitker Saltanat Musabekovamen suhbattasý vıdeokonferensııa arqyly ótkizildi, bul oǵan áńgimelesýge qatysý úshin oblystyq ortalyqqa barmaýǵa jáne jol júrý shyǵyndary men ýaqytyn únemdeýge múmkindik berdi.
«Jyl basynan beri bizdiń Departamenttiń qyzmetkerleri aýdan jáne memlekettik organdarmen ótkizilgen 30 irikteý satysyna "Skype" vıdeo jelisi arqyly baıqaýshy retinde qatysty.
Osylaısha, oblysymyzdyń memlekettik qyzmet salasynda ınnovasııalyq aqparattyq tehnologııalardy damytyp, ony odan ári qoldaný básekege qabilettilik deńgeıin jáne halyqtyń memlekettik apparatqa degen senimin arttyrýǵa zor múmkindik beretini sózsiz», - dedi departament basshysy Rasýl Medetov.