Osy jyldyń I jarty jyldyǵynda elimizde 186 myń jumys orny quryldy, ótken jyldyń osy kezeńimen salystyrǵanda 7%-ǵa ósken.
Salalar boıynsha qaraıtyn bolsaq, eń kóp jumys orny saýdada, qurylysta, aýyl sharýashylyǵynda qurylǵan. Qurylǵan jumys oryndarynyń negizgi bóligi, ıaǵnı 30%-y Almaty qalasyna, Almaty, Mańǵystaý oblystaryna tıesili. Al aýyldyq jerlerde 77 myńnan astam jumys orny ashylǵan, bul 42%-dy quraıdy.
«Eńbek» baǵdarlamasy qabyldanǵaly 190 mlrd teńge bólinip, 1,2 mln adam qamtyldy. Al, osy jyly 124 mlrd teńge kózdelip, kem degende 700 myń azamatty qamtý josparlanyp otyr. Ol byltyrǵy jylmen salystyrǵanda 100 myń adamǵa kóp», — dedi birinshi vıse-mınıstr.
Jarty jyl ishinde 281 myń adam qamtyldy, 52%-y — jumyssyzdar. 198 myń adam jumysqa ornalastyryldy, sonyń ishinde 121 myńy nemese 61%-y — turaqty jumyspen qamtyldy.
Baǵdarlamanyń birinshi baǵyty «Kásiptik oqytý» aıasynda qysqa merzimdi kýrstarǵa 22 myń adam jiberildi, onyń ishinde 3 myń adam oqýdy aıaqtady. 1 qyrkúıekten bastap Tegin tehnıkalyq jáne kásiptik bilim alýǵa 22,3 jas azamat jiberiledi. Birinshi vıse-mınıstr qatysýshylarǵa beriletin stıpendııanyń mólsheri 30%-ǵa arttyrylyp, 21 788 teńgeni quraıtynyn aıtty.
Sonymen qatar, oqýdyń tıimdiligin arttyrý maqsatynda osy jyldan bastap bilim berý uıymdaryna qoıylatyn talap kúsheıtildi. «Atameken» ulttyq kásipkerler palatasymen birlesip oqý oryndarynyń tizilimi jasalyp, bekitildi. Búgingi tańda oǵan 615 oqý orny men oqý ortalyqtary endi.
«Jappaı kásipkerlikti damytý» ekinshi baǵytyn iske asyrýǵa bıyl 83 mlrd teńge bólinip, 19 myń adamdy qamtý josparda bar.
«Osy jyldyń 6 aıynda 4 myń shaǵyn nesıe berildi, onyń ishinde aýyldarda – 3218, qalalarda – 600 shaǵyn nesıe. Startap jobalaryn qoldaýǵa 2130 shaǵyn nesıe, zákirli kooperasııalardy damytýǵa 286, jeke isti keńeıtýge 1402 shaǵyn nesıe berildi», — dedi E. Jylqybaev.
Shaǵyn nesıe alýshylardyń ishinde áıelderdiń úlesi 31,2%-dy quraıdy nemese 1 622 shaǵyn nesıe berilgen, al jastardyń úlesi – 16,4 % quraıdy nemese 855 shaǵyn nesıe berilgen.
Sonyń nátıjesinde, bıyl shaǵyn nesıe alǵan adamdar jańa 5 myń jumys ornyn qurǵan, oń áleýmettik jaǵdaıǵa qol jetkizdi.
Jyl basynan beri «Bastaý Bıznes» jobasy boıynsha kásipkerlik negizderine oqytýmen 15 myń adam qamtyldy, onyń ishinde 12,5 myń adam bıznes jobalaryn qorǵap shyqty.
«2019 jyldyń sońyna deıin oqıtyndardyń sanyn eki esege arttyryp, qosymsha 40 myń adamdy oqytýdy josparlap otyrmyz. Buǵan qosymsha 3,2 mlrd teńge kózdelýde», — dedi birinshi vıse-mınıstr.
Memleket tarapynan tabysy az, kóp balaly otbasylardy jáne halyqtyń basqa da áleýmettik osal toptaryn qoldaý maqsatynda granttar berýge 12 mlrd teńge bólindi. Búginde 2 334 grant berildi.
E. Jylqybaev jumyspen qamtýdy memlekettik qoldaý sharalaryn keńeıtý, oqytý sapasyn arttyrý jáne kásipkerlikti damytý maqsatynda kelesi sharalar qarastyrylǵanyn atap ótti. Olardyń qatarynda úsh jyl ishinde 200 myńǵa jýyq jas azamattardy qamtıtyn 200 jańartylǵan bilim berý uıymdarynyń bazasynda 100 suranysqa asa ıe ındýstrııalyq jáne servıstik mamandyqtar boıynsha mamandar daıarlaý, jyl saıyn 20 myń jastar ókilderin tartý arqyly «Bastaý Bıznes» kásipkerlik negizderine oqytý, 505 myń teńgege deıin óteýsiz memlekettik granttar berý.