Memorandým Qazaqstandaǵy balalardyń quqyqtary men ál-aýqatyn jaqsartý úshin júıeli jumystardy qurýǵa baǵyttalǵan jáne uzaq merzimdi strategııalyq maqsattardy qamtıdy. Osy qujattyń aıasynda balalar jáne jastardyń bastamalaryn qoldaýda bıznestiń rólin nyǵaıtý, birlesken aqparattyq naýqandar uıymdastyrý, balalardyń quqyqtaryn júzege asyrýdaǵy halyqaralyq standarttar men oń jobalar týraly aqparatpen halyqty der kezinde qamtý. Sondaı-aq donorlarǵa qolaıly jaǵdaı jasap, osy saladaǵy mádenıetti nasıhattaý kózdelgen.
IýNISEF-tiń Qazaqstandaǵy ókili Artýr van Dızen seriktestik baılanystyń mańyzdylyǵyn jáne balalardyń jaǵdaıyn jaqsartýda bıznestiń yqpaly aıryqsha ekenin aıtady.
– Biz balalardyń sapaly qyzmetterge, onyń ishinde densaýlyq saqtaý, bilim berý jáne áleýmettik qorǵaýǵa teń múmkindigin jaqsartý úshin júıeli ózgeristerdi jasaýǵa daıyn kompanııalardy qoldaımyz. Búgin Qazaqstan boıynsha poshta, qarjylyq jáne elektrondy qyzmetterdi usynatyn «Qazposhta» AQ-men yntymaqtastyq týraly memorandýmǵa qol qoıýǵa qýanyshtymyz. Bul eldegi balalardyń jaǵdaıyn jaqsartýǵa negizdelgen kelisim, - deıdi Artýr van Dızen.
«Qazposhta» AQ basqarma tóraǵasy Sáken Sársenov, kompanııa balalar men jastardyń jobalaryn aqparattyq turǵyda qoldaýǵa daıyn ekenderin bildirdi. Sol sekildi ol Qazaqstannyń Bala quqyqtary týraly konvensııaǵa qol qoıǵanyna 25 jyl tolýyna oraı mereıtoılyq poshta markasy shyǵarylatyny jóninde habarlady.