Salyq eseptiligin elektrondy túrde tabys etken jaǵdaıda salyq tóleýshige salyq eseptiligin tabys etý merzimin uzartýǵa múmkindik beriledi.
Eýrazııalyq ekonomıkalyq odaqqa múshe memleketterdiń aýmaǵynan Qazaqstan Respýblıkasynyń aýmaǵyna taýarlardy ımporttaý kezinde janama salyqtar boıynsha salyqtyq eseptilikti usyný merzimin uzartýǵa bolmaıdy.
Salyq eseptiligin tabys etý merzimin uzartý úshin salyq tóleýshi tirkeý esebine qoıylǵan jeri boıynsha memlekettik kirister organyna habarlama jiberedi.
Mundaı habarlamany "Azamattarǵa arnalǵan úkimet" Memlekettik korporasııasy arqyly da jiberýge bolady.
Habarlamany qaǵaz jetkizgishte nemese elektrondyq nysanda salyq eseptiligin tabys etý merzimi aıaqtalǵanǵa deıin jiberýge bolady.
Salyq eseptiligin tabys etý merzimin mynadaı merzimderge:
- KTS nemese JTS deklarasııalary boıynsha otyz kúntizbelik kúnge deıin;
- salyqtardyń, bıýdjetke tólenetin tólemderdiń, áleýmettik tólemderdiń ózge de túrleri boıynsha deklarasııany jáne (nemese) esep-qısapty kúntizbelik on bes kúnge deıin;
- táýekelderdi basqarý júıesi boıynsha táýekelder deńgeıi tómen salyq tóleýshiler úshin salyqtardyń, bıýdjetke tólenetin tólemderdiń, áleýmettik tólemderdiń ózge de túrleri boıynsha deklarasııany otyz kúntizbelik kúnge deıin uzartýǵa bolady.
Salyq eseptiligin tabys etý merzimin uzartý korporatıvtik tabys salyǵy boıynsha avanstyq tólemder somasynyń esebine qoldanylmaıdy.
Uzartý salyqtardy, bıýdjetke tólenetin tólemderdi jáne áleýmettik tólemderdi tóleý merzimin ózgertpeıtinin eskerý qajet.
Arnaıy salyq rejımderin qoldanatyn dara kásipkerdi qospaǵanda, táýekelderdi basqarý júıesi boıynsha táýekelderdiń joǵary deńgeıi bar salyq tóleýshige salyq eseptiligin tabys etý merzimi uzartylmaıdy.
Salyq organdary salyq tóleýshiler usynǵan salyq eseptiliginiń derekterine, ýákiletti memlekettik organdardan, jergilikti atqarýshy organdardan, ýákiletti tulǵalardan alǵan málimetterge, sondaı-aq salyq tóleýshiniń qyzmeti týraly basqa da qujattar men málimetterge taldaýdy júzege asyratynyn eske salamyz.
Osyndaı taldaýdyń nátıjeleri negizinde 2019 jylǵy 1 qańtarynan bastap barlyq salyq tóleýshilerdi sanattaý olardyń qyzmetin táýekel dárejesiniń tómen, ortasha nemese joǵary sanatyna jatqyzý jáne salyqtyq ákimshilendirýdi saralaý sharalaryn qoldaný arqyly júzege asyrylady.
Táýekelderdi basqarý júıesiniń nátıjeleri boıynsha salyq tóleýshiniń qandaı táýekel dárejesine jatqyzylǵandyǵy týraly aqparat jylyna eki ret anyqtalatyn bolady jáne salyq tóleýshilerge «Salyq tóleýshiniń kabıneti» veb-qosymshasyna jiberiledi.
2019 jyldyń 1 shildesinen bastap sanattarǵa bólý nátıjeleri Memlekettik kirister komıtetiniń resmı saıtynda (elektrondyq servıster / bızneske kómek / sanattarǵa bólý nátıjeleri boıynsha salyq tóleýshiniń táýekel dárejesi) (http://kgd.gov.kz/ru/services/degree_of_risk) jarııalanatyn bolady.
BSN/JSN boıynsha suraý salý arqyly óz qyzmeti boıynsha da, óz kontragentiniń qyzmeti boıynsha da táýekel dárejesin bilýge bolady.
Sanattaýdy mindetti ózektendirý merzimdiligi – jarty jylda bir ret.
Qoldanystaǵy zańnama sheńberinde sanattarǵa bólý nátıjeleri salyqtyq ákimshilendirýdiń mynadaı salalarynda qoldanylady:
- JK jekelegen sanattarynyń qyzmetin ońaılatylǵan tártippen toqtatý,
- QQS boıynsha tirkeý esebine qoıý,
- salyq eseptiligin tabys etýdi uzartý, toqtata turý,
- bereshekti májbúrlep óndirip alý.