Odaqtyń málimeti boıynsha, mundaı qadam otandyq naryqtyń múddesin qorǵaý úshin jasalyp otyr.
«QR «Memlekettik satyp alý týraly» Zańynyń 14-babyna sáıkes, eldiń ishki naryǵyn qorǵaý jáne ulttyq ekonomıkany damytý maqsatynda Qazaqstan Respýblıkasynyń Úkimeti Qaýly etedi:
1. Memlekettik satyp alýdy júzege asyrý kezinde Qazaqstan Respýblıkasynyń aýmaǵynda óndirilmeıtin taýarlardy qospaǵanda, shet memleketterden shyǵarylatyn taýarlardy ulttyq rejımnen alyp qoıý belgilensin.
2. «CT-KZ» nysanyndaǵy taýardyń shyǵý tegi týraly sertıfıkaty bar Qazaqstan Respýblıkasynyń zańdy tulǵasy óndirgen taýarlar memlekettik satyp alýǵa qatysýǵa jiberilsin» delingen Qaýly mátininde.
Ulttyq rejımnen alynǵan taýarlar tizimine jeńil avtokólikter enip otyr. «Tıisti qaýly kúshine endi jáne eki jyl boıy áreket etedi. Qujat «ST-KZ» nysanyndaǵy sertıfıkattyń mindetti talaby boıynsha tek otandyq óndirýshilerden ǵana memlekettik satyp alýdy jáne jalǵa alýdy júzege asyrýdy uıǵarady», - deıdi avtoóndirýshiler odaǵynyń strategııalyq josparlaý jónindegi dırektory Artýr Mıskarıan.
Qaýlyny QR Indýstrııa jáne ınfraqurylymdyq damý mınıstrligi ázirlegen. «Byltyr otandyq avtozaýyttar shyǵarǵan ónimniń 11 paıyzǵa jýyǵyn memlekettik qurylymdar satyp alǵan. Konkýrsqa qatysý úshin «ST-KZ» sertıfıkatynyń basty talap retinde qoıylýy memlekettik satyp alý rásimin neǵurlym ashyq etedi», - deıdi Arýtr Mıskarıan.