Juma, 7 maýsym 2013 2:05
Ozyq tehnologııa Kendi Altaıda qoldanysqa engizildi
«Shyǵys-sút» jaýapkershiligi shekteýli seriktestigine oblystaǵy 8 sút zaýyttary, birneshe sharýa qojalyqtary qaraıdy. Bul kúnderi irgeli ujymda bir jarym myń adam eńbek etedi. Elimizdegi ındýstrııalyq-ınnovasııalyq damý baǵdarlamasyna engen seriktestik ótken jyly qýatty sút keshenin paıdalanýǵa bergen. Onyń ashylýyna Elbasy N.Nazarbaev qatysyp, sharýa qojalyqtary ıelerine sút, et óndirý, basqa salalarda da izdenis pen ilkimdilik tanytý jaıly aıtqan. «Shyǵys-sút» jaýapkershiligi shekteýli seriktestiginiń dırektory, qalalyq máslıhattyń depýtaty, uzaq jyldar aýyl sharýashylyǵynda eńbek etip, tamasha jetistikterge jetip kele jatqan Seıiljan Saılaýbaev ındýstrııalandyrý kartasyna engen jobalar jaıly aıtyp, qojalyq ıelerine barlyq jaǵdaıdyń jasalyp jatqanyna rızashylyǵyn bildirgen edi.
Juma, 7 maýsym 2013 2:05
Ozyq tehnologııa Kendi Altaıda qoldanysqa engizildi
«Shyǵys-sút» jaýapkershiligi shekteýli seriktestigine oblystaǵy 8 sút zaýyttary, birneshe sharýa qojalyqtary qaraıdy. Bul kúnderi irgeli ujymda bir jarym myń adam eńbek etedi. Elimizdegi ındýstrııalyq-ınnovasııalyq damý baǵdarlamasyna engen seriktestik ótken jyly qýatty sút keshenin paıdalanýǵa bergen. Onyń ashylýyna Elbasy N.Nazarbaev qatysyp, sharýa qojalyqtary ıelerine sút, et óndirý, basqa salalarda da izdenis pen ilkimdilik tanytý jaıly aıtqan. «Shyǵys-sút» jaýapkershiligi shekteýli seriktestiginiń dırektory, qalalyq máslıhattyń depýtaty, uzaq jyldar aýyl sharýashylyǵynda eńbek etip, tamasha jetistikterge jetip kele jatqan Seıiljan Saılaýbaev ındýstrııalandyrý kartasyna engen jobalar jaıly aıtyp, qojalyq ıelerine barlyq jaǵdaıdyń jasalyp jatqanyna rızashylyǵyn bildirgen edi.
Seriktestiktiń sút zaýyttary otyzǵa tarta ónimder shyǵarady. Qaımaq, irimshik, syr, sary maı, aıran, basqa da taǵamdar oblys aýdandaryna, kórshi Pavlodar, Semeı qalalarynyń saýda dúkenderine taraıdy. Sapasy men baǵasy tutynýshylardyń qaltasy kótererlikteı. О́tken jyldyń jeltoqsanynda Glýbokoe aýdanynyń Bobrovka aýylynda el esinde qalatyndaı eleýli oqıǵa boldy. Sıyrlardy robotpen saýý elde birinshi bolyp júzege asty. Sıyrlar kelisim boıynsha Chehııadan jetkizildi, árqaısysynyń baǵasy 2750 eýro. Sımmental tuqymdas qyzyl ala sıyr sútti mol beredi, táýligine 15-20 lıtr sút saýyp alýǵa bolady.
Jaqynda Bobrovka aýylyndaǵy sıyrlardy robotpen saýatyn keshende bolǵanymyzda, eń aldymen tazalyq pen uqyptylyqty baıqadyq. Jańadan qyzyl kirpishten órip salynǵan keshende aq jeleńmen júrý kerek. 100 sıyrǵa azyq-túlik konveıermen jetkizilip tur. Bir tańǵalǵanymyz, alyp keshen ishinde árli-berli júrgen adamdardy baıqamadyq. Munda «Bovrovka+1» seriktestiginiń dırektory Talǵat Qyryqbaev, keshen jetekshisi, operator, mehanızator, mal dárigeri ǵana eńbek etedi.
– Keshen 400 sıyrdy saýýǵa arnalǵan, alaıda, biz 100 sıyrdy satyp alýǵa úlgerdik. Odan keıin shetelden sıyr satyp alýǵa tosqaýyl qoıyldy. О́zim 350 mıllıon teńge nesıe aldym. Sıyrlardy robotpen saýý rahat, robot ózi taǵam berip, táýligine úsh-tórt ret keshende turǵan jerden saýatyn jerge kirgen sıyrlardyń emshegin birden taýyp alady. Jem bergeni de qyzyq, qashan ony taýysyp bitkenshe kúte turady da, toqtaǵan kezde jalǵastyrady. Sóıtip, táýliktiń 24 saǵat boıy tynymsyz jumys isteıdi.Táýligine 1 tonna 100 keli sút saýyp, ony seriktestiktiń sút zaýyttaryna jóneltemiz. Shvesııanyń «DeLabaI» markaly robot qondyrǵysy sondaı aqyldy, qansha sút saýylǵanyn,táýligine neshe ret saýylatynyn kompıýterde kórsetip turady. 6 sút saýatyn qondyrǵyny satyp alýǵa 1 mıllıon 200 myń eýro jumsadyq, – deıdi Talǵat Qyryqbaev.
Operator Maqsat Imanǵazın, mehanızator Baqyt Káribaev, mal dárigeri Baýyrjan Maqsuthan sıyrlardy robotpen saýýdyń keleshegi kemel ekenin, aldaǵy ýaqytta qol kúshin jetildirýde izdeniste bola beretinderin aıtady. Olardyń jalaqysy jaman emes, ýaqtyly alyp turady. Elimizdiń ındýstrııalandyrý kartasyna engen keshen ujymy aldaǵy ýaqytta da aldan kórine bermek.
Ońdasyn ELÝBAI,
«Egemen Qazaqstan».
Shyǵys Qazaqstan oblysy.
Glýbokoe aýdany.
________
Sýretti túsirgen avtor.