Halyqaralyq armııalyq oıyndardyń sheńberinde, qazaqstandyq desantshylar Reseıdiń Pskov oblysyndaǵy áýe-desanttyq komplekste sekirý aldyndaǵy daıyndyǵyn júrgizýde. Bul týraly «Batys» óńirlik qolbasshylyǵynyń baspasóz qyzmetinen kapıtan Rýstem Igısınov habarlady.
Jarystyń birinshi etapy «Vzvod quramymen desanttalý, qoný alańyna jınalý jáne 10 km marsh-brosok júgirý» baǵdarlamasyna sáıkes, qatysýshy memleketter áýe-desanttyq komplekstegi sekirý aldyńdaǵy daıarlyqtarynan ótti. Áskerı qyzmetshiler 6 serııaly D-4 jáne «Arbalet-2» parashıýttik júıelerinde óz áreketteri men qımyldaryn pysyqtady.
Konkýrstyń barlyq qatysýshylary desantshy parashıýtısttiń vertoletten sekirý, jerge qoný, áýedegi jáne kúmbezdi jabýdaǵy is-qımyldaryn sapaly túrde oryndap shyqty.
- Biz osy konkýrsqa jaqsy daıyndaldyq, deıdi aǵa leıtenant Bekdııar Ergeshev. – Konkýrsqa qatysý, bizder úshin úlken abyroı jáne Qarýly Kúshterdiń tarapynan bildirgen senim, sondyqtan osy jarysta barlyq tapsyrmalardy saýatty oryndap, abyroımen oralamyz degen senimimiz mol, - deıdi qazaqstandyq desantshylar vzvodynyń komandıri.
Sekirý aldyndaǵy daıarlyq barysynda desantshylar aýa-raıy týraly aqparat alyp, praktıkalyq qımyldaryn pysyqtaıdy, qoný orny men sekirý tártibi týraly nusqaýlyq alady. Sonymen qosa, parashıýttik júıeniń bútindigin tekserip, sekirýge jınaıdy.
Erteńgi kúni 21 eldiń desantshylary daıyndyq barysyndaǵy alǵashqy sekirýlerin oryndap, «Kıslovo» qoný alańynda ótetin jarystyń birinshi kezeńine daıyndyǵyn támamdaıdy. Al konkýrstyń saltanatty ashylýy «Zavelıche» polıgonynda 3 tamyz kúni ótedi.
Mańǵystaý oblysy