Alda asqaraly mindetter tur

Senbi, 5 qańtar 2013 8:21

Prezıdent Nursultan Nazar­baevtyń «Qazaqstan-2050» Stra­tegııasy – qalyptasqan memlekettiń jańa saıası baǵyty» atty Joldaýy Táýelsiz Qazaqstan damýynyń qo­ry­tyndylaryn shyǵaryp, eli­mizdiń taıaý onjyldyqtaǵy aýqymdy min­detterin aıqyndap berdi.

Senbi, 5 qańtar 2013 8:21

Prezıdent Nursultan Nazar­baevtyń «Qazaqstan-2050» Stra­tegııasy – qalyptasqan memlekettiń jańa saıası baǵyty» atty Joldaýy Táýelsiz Qazaqstan damýynyń qo­ry­tyndylaryn shyǵaryp, eli­mizdiń taıaý onjyldyqtaǵy aýqymdy min­detterin aıqyndap berdi.

Prezıdenttiń pikirinshe, Qa­zaqstannyń memlekettik damýynyń 2030 jylǵa deıingi alǵashqy ult­tyq strategııasynyń «birqatar baǵyttary merziminen buryn oryndaldy»: ekonomıka, elimizdiń saıası júıesi, ulttyq bilim berý júıesi, densaýlyq saqtaý jáne áleý­mettik qamsyzdandyrý salasy jetistikterge jetip, jańǵyrtyldy. Táýelsiz Qazaqstannyń Elbasy belgilegen saıası baǵyty elimizge damyǵan eldermen tolyqqandy seriktes bolýǵa, turaqty kópultty memleket retinde tanymal bolýǵa múmkindik beredi.

Qazaqstannyń ultaralyq jáne konfessııaaralyq kelisimdi qam­tamasyz etý boıynsha halyq­ara­lyq bastamalary álemdik qoǵam­dastyq tarapynan qoldaýǵa ıe bolyp, elimizdiń saıası bedeliniń nyǵaıýyna járdemdesti. Nursultan Nazarbaevtyń Qazaqstannyń eý­ra­zııalyq jolmen damý tujyrymy bizdiń qoǵamda keńinen júzege asyp jatyr. Elbasy jańa Joldaýynda jańa strategııanyń mańyzdylyǵyna toqtala otyryp, onyń arqasynda «…bizder álemniń geoekonomıkalyq jáne geosaıası ortalyǵynda bolamyz» dep atap ótedi.

Qazaqstannyń jańa saıası ba­ǵytyn aıqyndaı otyryp, Pre­zıdent N.Á.Nazarbaev qazaq­stan­dyqtar úshin «úzdik bilim, laıyq eńbek, jarqyn bolashaq» sııaqty jańa múmkindikter beriletindigin atap kórsetti. Elbasy Qazaqstanda «zııatkerlik ult» qalyptastyrý ıdeıa­syn damyta otyryp, elimizdiń aldyna qoıylǵan tarıhı mańyzdy mindetterdi sheshý úshin «qazaqstandyqtar joǵary bilimdi ult bolýy kerek» dep atap ótti. Prezıdenttiń pikirinshe, bul máselede qazaqstandyqtardyń jańa býyny – Táýelsiz elimiz­diń qurdastaryna erekshe jaýap­ker­shilik júkteledi. Olardyń bilimi, kásibı biliktiligi, Otanyna degen súıispenshiligi elimizge «2050 jyldarǵa deıin álemniń damyǵan 30 eliniń qataryna enýine» múmkindik beredi.

Prezıdenttiń aıtýynsha, jańa memlekettik strategııany júzege asyrýda zııaly qaýym erekshe ról atqarady. Olar «bizdiń jalpy ulttyq qundylyqtarymyzdy nyǵaıtýda jetekshi kúshke aınalýlary kerek» dedi. Ǵalymdar, shyǵarmashylyq ıntellıgensııa ókilderi el tarıhyn, búgingi kúndi saralaýǵa úles qosýda, atap aıtsaq, tarıhqa júgine bermeı, zamanymyzdyń qaharmandaryn kórsete bilýimiz kerek. Olarǵa qarap bizdiń jastarymyz boı túzeıdi. Táýelsizdikti qurý, tarıh úshin qysqa 20 jyl ishinde elimizdiń damýy, astanany qurý uly murattar bolyp tabylady.

Nursultan Nazarbaevtyń qazir­gi kezeńdegi bilim berý júıe­siniń basty baǵdary tereń bilim, kásibı iskerlik degen piki­rin qoldaı otyryp, akademık E.A.Bóketov atyndaǵy Qaraǵandy memlekettik ýnıversıtetiniń ujymy Qazaqstandy odan ári damytýǵa, joǵary tehnologııaly, áleýmettik saıasat jaǵynan tartymdy, ınnovasııalyq ǵylymy men básekege qabiletti bilim berý júıesi bar memleket retinde álemniń damyǵan elderiniń qataryna enýine úles qosatyn joǵary bilikti mamandardy daıarlaý boıynsha óz jumysyn jalǵastyrady.

Erkin KО́BEEV,

E.A.Bóketov atyndaǵy memlekettik

ýnıversıtettiń rektory.

QARAǴANDY.