Qazaqstandyq aralas jekpe-jek sportynyń ókili Shavkat Rahmonov áıgili UFC uıymymen otandyq sportshylar arasynda birinshi bolyp kelisimshartqa otyrdy. Bul týraly faıterdiń menedjeri Saıat Ábdirahmanov málimdedi.
«Shavkat Rahmonov álemniń eń úzdik MMA uıymymen kelisimge kelgen Qazaqstan tarıhyndaǵy tuńǵysh sportshy atandy. Ol UFC-degi debıýt jekpe-jegin osy jyldyń qarasha aıynda ótkizedi dep josparlanǵan», deıdi Ábdirahmanov. Jýyrda Nur-Sultanda ótken M-1 Challenge 102 týrnırinde Rahmonov brazılııalyq Tıago Varejao Laserdadan basym túsken bolatyn. Aıtýly jeńisiniń arqasynda otandasymyzǵa osy sport túrindegi eń beldi uıym – UFC-ge dańǵyl jol ashylǵan-dy.
Shavkat búginge deıin aralas jekpe-jekte 12 kezdesý ótkizip, barlyǵynda aıqyn jeńiske qol jetkizdi. Ol birde-bir qarsylasyna bet qaratqan joq. Aıta keteıik, qazirgi tańda UFC-de kúsh synasyp júrgen Reseıdiń Orynbor ólkesinde týyp-ósken qandasymyz Damır Ismaǵulovtyń óneri kópshiliktiń kóńilinen shyǵýda.