Foto-kórme. Trıatlonnan halyqaralyq doda. Aldaǵy demalys kúnderi almatylyqtardy qyzyqty mádenı-sporttyq sharalar kútip tur.
Aýǵan ónimderiniń kórmesi
Almatylyqtar 3-4 tamyz kúnderi Aýǵan eliniń qolóner sheberleriniń kórmesin tamashalaı alady. Atalmysh kórmege Aýǵanstan Islam Respýblıkasynyń qolóner buıymdary usynylady: aǵash oıý, jıhazdy árleý óneri, gravıýramen bezendirý, metall qumyralar, zergerlik áshekeıler. Sondaı-aq, mys pen qoladan soǵylǵan ydys-aıaqtar, eńbek quraldary, arnaıy turmystyq rásimderge arnalǵan zattar.
«Aýǵan eliniń 30 kompanııasy jeńil ónerkásip boıynsha túrli ónimderin usynbaqshy. Atap aıtsaq, qoldan toqylǵan kilemder, dekoratıvti kesteler, kıim-keshek, matalar, keramıkalyq buıymdar, jibek kilemderge salynǵan ártúrli geometrııalyq kógóris órnekti kilemder. Toqyma kilemderdi qoıý qyzyl túspen boıap, kópburyshty fıgýralarmen árlegen. Kórme kelýshiler úshin, zergerlik buıymdar men keptirilgen jemis-jıdekter de usynylady», - delingen habarlamada.
Atalǵan kórme QR Memlekettik ortalyq mýzeıi, Almatydaǵy Aýǵanstan Islam Respýblıkasynyń Bas konsýldyǵy jáne USAID, Almatydaǵy Aýǵanstan Islam Respýblıkasynyń Saýda attashesi, Aýǵanstan Islam Respýblıkasynyń Saýda jáne ındýstrııa mınıstrliginiń qoldaýymen jáne Isker áıelder Assosıasııasymen (AICI) birlesip alǵash ret uıymdastyrylyp otyr.
О́tetin orny: Memlekettik ortalyq mýzeı, Samal-1, 44-úı
Trıatlonnan «2019 ASTC Almaty Triathlon Asian Cup» Azııa kýbogi
3-4 tamyzda Almatyda ekinshi ret trıatlonnan Elite sanatyndaǵy (kásipqoı) sportshylar arasynda halyqaralyq doda – «2019 ASTC Almaty Triathlon Asian Cup» Azııa kýbogi ótedi. Atalmysh saıys Almaty Triathlon Federation jáne Qazaqstan Trıatlon Federasııasy, «Samruq-Qazyna Ulttyq ál-aýqat qory», QR mádenıet jáne sport Mınıstriligi, QR Ulttyq Olımpıadalyq komıteti jáne Almaty qalasynyń ákimdiginiń qoldaýymen ótkiziledi.
Ońtústik astanamyzda qurlyqtyq kýbokty ótkizý múmkindigi - Qazaqstan Trıatlon Federasııasy men Trıatlon Halyqaralyq Odaǵynyń (ITU)Qazaqstan Respýblıkasynda trıatlon sportyn damytý, sondaı-aq, tanymaldylyǵyn arttyrý maqsatynda birlese otyryp atqarǵan jumystarynyń nátıjesi.
Qashyqtyq úsh kezeńnen turady: 750 m júzý + 20 km velojarys + 5 km júgirý.
Álemniń túrli elderinen 130-ǵa jýyq sportshy keledi dep kútilýde.
4 tamyzda Age Group (áýesqoı) arasyndaǵy«TEMIRADAM» Kýbogi VIII kezeńiniń starty.
«Standartty» qashyqtyq úsh kezeńnen turady: 1500 m júzý + 40 km velojarys + 10 km júgirý.
Jeke esepte 250 áýesqoı sportshy jáne 10 estafetalyq komanda qatyspaq.
О́tetin orny: Almaty qalasy, Saıran kóli
Aıta keteıik, trıatlon – júzý, velojarys jáne júgirý sekildi jekelegen sport túrlerinen quralǵan mýltısportty jarys bolyp tabylatyn sıkldyq olımpıadalyq sport túri. Trıatlon kezeńderin sportshylar kezekpen jáne úzilissiz baǵyndyrady. Halyqaralyq deńgeıde trıatlon Halyqaralyq Trıatlon Odaǵynyń (ITU) erejelerimen retteledi.
«Transforma» keńistiginde erekshe qoıylymdar keshi
Kórermenderge úsh performans, sondaı-aq úlken ekrandaǵy zamanaýı nemis qoıylymy usynylady. Saýndskeıp-performans «Kakovo» qonaqtarǵa álemniń 30-dan astam elin aralap shyqqan kózi kórmeıtin saıahatshy týraly aıtyp beredi. Bul qysqa spektaklde tarıh dybystyq landshaft arqyly baıandalady. Kompozıtor Konstantın Kohan, rejısser Antýan Dýkraves, dramatýrg Olga Malysheva.
«О́mir súrý erejeleri» mýltımedııalyq verbatımalar – bul Madonna men Sashı Baron Koenniń suhbatynyń teatr túrindegi úlgisi, sahnada ártister Elena Vovnova men Qýantaı Ábdimadı óner kórsetedi. Rejısseri – Antýan Dýkraves, dramatýrg – Olga Malysheva.
Kesh murmel, Volksbühne Berlın teatrynyń murmel spektakliniń ashyq aspan astyndaǵy úlken ekranda kórsetilimmen aıaqtalady. Spektakl-Theatertreffen-2013 festıvaliniń qatysýshysy, rejısser Gerbert Frıch. Bul – «Murmel» sózinen ǵana turatyn spektakl Dıter Rot 174-bettik pesa jelisimen qurylǵan spektakl.
Ýaqyty: 4 tamyz, 20:30
О́tetin orny: Almaty q, Baızaqov kósh, 280
Bılet baǵasy: 1000 tg