Sársenbi, 16 qańtar 2013 7:35
Soltústikqazaqstandyq jastar da Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» Joldaýyn úlken qulshynyspen qarsy alyp, belgilengen talaptardy júzege asyrýǵa laıyqty úles qosýdy sert etip otyr. Búginde Qyzyljar óńirinde 57-ge jýyq jastar uıymy jumys istep, qoǵamdyq-saıası isterge, jastar saıasatyn júzege asyrýǵa belsendi atsalysyp keledi. Olar jastar ómirine qatysty is-sharalardan shet qalǵan emes. «Dıplommen – aýylǵa!», «Jastar praktıkasy», «Jastardyń kadrlyq rezervi» sekildi baǵdarlamalar úlken qoldaýǵa ıe. Bıyl 700-den astam jas óndiris oryndarynda tájirıbeden ótti. 1200 jas eńbek bırjalarynda eńbek etti. 500-deı jas maman aýyldarǵa ornalasty.
Sársenbi, 16 qańtar 2013 7:35
Soltústikqazaqstandyq jastar da Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» Joldaýyn úlken qulshynyspen qarsy alyp, belgilengen talaptardy júzege asyrýǵa laıyqty úles qosýdy sert etip otyr. Búginde Qyzyljar óńirinde 57-ge jýyq jastar uıymy jumys istep, qoǵamdyq-saıası isterge, jastar saıasatyn júzege asyrýǵa belsendi atsalysyp keledi. Olar jastar ómirine qatysty is-sharalardan shet qalǵan emes. «Dıplommen – aýylǵa!», «Jastar praktıkasy», «Jastardyń kadrlyq rezervi» sekildi baǵdarlamalar úlken qoldaýǵa ıe. Bıyl 700-den astam jas óndiris oryndarynda tájirıbeden ótti. 1200 jas eńbek bırjalarynda eńbek etti. 500-deı jas maman aýyldarǵa ornalasty. 170 jas «Jasyl el» baǵdarlamasyna tartyldy.
Osyndaı ómirlik mańyzdy sharalardyń basy-qasynan «Jas Otan» jastar qanaty jergilikti fılıalyn jıi kórýge bolady. Onyń uıymdastyrýymen jáne jas kásipkerlerdiń, úkimettik emes uıymdar ókilderiniń, túrli birlestikter músheleriniń qatysýymen ótken jıynda elimizdiń jańa saıası baǵytyn belgilep bergen strategııalyq qujat jan-jaqty talqylanyp, jas býynnyń róli men orny aıqyndaldy.
Basqosýdy fılıaldyń atqarýshy hatshysy Samat Jákenov kirispe sózben ashyp, Prezıdent kezekti Joldaýynda keıingi tolqyn jastarǵa sóz arnap, barlyq jaqsylyq ataýly solar úshin jasalyp jatqanyn atap ótti. Biz sııaqty Qazaq eliniń perzentterine úlken senim artyp, azat oılarymyz ben kemel bilimderimizdi tyń maqsattarǵa jumsaýǵa arnaýǵa shaqyrdy, deı kelip, bıik mejeler údesinen kórinýge barlyq kúsh-jigerdi jumsaıtyndaryna senim bildirdi.
Jaryssózge shyqqandar Joldaýda aıtylǵan basty mindetter tóńireginde oı qozǵap, túsindirý jumystaryna barlyq qoǵamdyq uıymdarmen birlese atsalysý qajettigin atap kórsetti.
О́mir ESQALI,
«Egemen Qazaqstan».
Soltústik Qazaqstan oblysy.